富景清香麵家

Open Now

Now Closed

約咗朋友去北角交通安全公園玩，玩到周身汗，坐低食晏晝。朋友住喺北角匯，就係北角匯附近搵嘢食，天時咁熱，梗係食麵好過食飯啦。食過柴灣嗰間富景清香，味道都唔錯，牛腩有炆得好淋。就一於食新開呢間水準又唔一樣先。環境乾淨企理新裝修，服務員都好醒目有禮貌。我哋一行四人叫小食再分享。蜆介鯪魚球$33 炸好香脆，而且份量十足，鯪魚球肉打得彈牙。新鮮炸魚皮$15 小好少地方可以食到咁新鮮嘅炸魚皮，應該是當天即炸的，值得一讚。香滑即磨腸粉好香米味，食過即磨腸粉番唔到轉頭食普通腸粉，又滑又香牛筋牛肚河個湯底靚到，飲完都唔口乾，牛筋炆得淋，但帶點彈牙。牛筋魚蛋河新鮮魚蛋好有魚味，再加魚皮食真係絕配。整體都很不錯，價錢又抵食，朋友住對面，會成日幫襯。下次一早7 點買早餐番工。