高興+ (Closed)

邊個話北角淨係得啲舊樓同老餅茶餐廳？🤔今日同朋友撘地鐵去北角，一出地鐵冇內就俾呢間餐廳出面的霓虹燈吸引，好colourful❤️🧡💛💚💙💜即刻個心情都同個店名一樣•高興+• 同朋友都不約而同想入去試下係咪食完都可以keep 住靚靚心情。餐廳空間感好大，裝潢懷舊得來又不會覺得老積。枱與枱之間十分闊落，坐得好舒服。黑松露醬粗薯條 $47我真係一個薯條控嚟㗎🤣差唔多次次出街食野都會叫個薯條嚟食🙈呢個薯條炸得好脆，點埋個黑松露醬認真邪惡😈橙香蟹肉沙律 $76蟹肉份量都幾多，蔬菜非常新鮮，鮮橙十分之香甜，配上微酸的沙律汁，配合得岩岩好👍🏻重點係食物嘅擺設非常有美感，可以睇到製作者好有心機。高興雞中翼配牛油果醬忌廉醬 $48呢個我就覺得麻麻地好食，雞翼味道偏鹹而且同牛油果醬忌廉醬一齊食唔係好夾。葉香烤焗比目魚 $146肉質尚算嫩滑，入口帶有淡淡的香草味。比目魚會跟配一個醬汁，但個人認為唔點醬好似更加突出魚嘅鮮味。總體感覺不錯但呢個魚嘅性價比唔高，因為個價錢始終有啲少貴。餐廳環境十分適合同朋友打卡或閑聊😛。