碼頭酸菜魚 (Closed)

話說某一晚去北角滙食dinner, 順便行去碼頭走一走，發現原來有一間食酸菜魚的食肆，決定揾一日來一試。店子座位不算多，裝修亦很簡單，但頗有風味，老闆十分好客，店員服務亦佳，全程食得好開心。午市一人套餐共有4款，$62包飯/寬粉和飲品，十分抵食。另外還有招牌酸菜魚系列，經典下酒小食和30款碼頭小炒， 選擇甚豐。馳明碼頭酸菜魚$188~生魚片肉質嫩滑Q彈，湯底酸中帶微辣，亦有鮮甜味道。配料十分豐富，有紹菜，芽菜，金菇菜，木耳，辣椒和薯粉，酸酸辣辣十分開胃。椒鹽鮮魷魚$98~炸漿好薄好脆，炸到金黄鬆脆，鮮魷又新鮮又彈牙，配上炸蒜十分滋味。招牌黃金海中蝦$108~黄金蝦炸到好乾身好脆口，連殼都可以食埋，蝦的肉質爽彈又有蝦味，整隻蝦都鋪滿咸蛋黄，咸香惹味，好正!薑蔥炒豬潤$88~豬潤好厚身，經過多次出水，除了無腥味，還十分滑溜軟嫩，爽口彈牙，以薑葱炒非常香和有鑊氣。