Video
Read full review
2024-08-15
314 views
有時去第二區就會有驚喜，今次搵好嘢食搵到去北角，果然搵到間平民價錢嘅好食韓國炸雞店！雖然似家庭餐廳，但地方乾淨，冷氣又夠，用埋QR Code落單，夠晒清楚～！見到晚飯時間都坐滿晒，仲唔停手咁出外賣order，證明真係好食又抵食啦～急不及待就拎起個電話落單！炸雞（任選-無骨）]為咗俾客人試多啲款式，店家竟然貼心地有四拼炸雞餐揀！就算係四拼，份量都好足夠，一上枱已經好開心！我哋叫咗芝士雪花炸雞、乳酪洋蔥炸雞、香蔥炸雞同埋蜜糖粟米雪花炸雞。炸雞每件都熱辣辣，外脆內軟，唔會炸到好乾咁！我哋最推介佢哋個招牌乳酪洋蔥炸雞，個洋蔥有醃過唔會太搶口，酸酸哋，加埋個乳酪醬，一定要一齊啪落口！幾種味道好夾，好滋味呀！下次一定會encore呢隻味！強烈建議大家都叫個湯飲，呢款泡菜餃子湯個湯底好清，除咗有大大隻足料泡菜餃子之外，仲有韓國粉絲、雞蛋、年糕等配料，食完咁多炸雞，再飲啖熱湯潤吓，正！為咗均勻營養，我哋都點咗款捲飯做主食，個捲飯包得好靚，份量又足，配料清新爽口～本來以為係低成本罐裝飲品，上枱時先知係大大杯，勁抵飲！西梅汁唔會好似中式酸梅汁咁酸，甜度啱啱好，促進消化！呢一餐真係好抵食，比我哋預算便宜但又
[韓滋樂四拼炸雞（任選-無骨）]
為咗俾客人試多啲款式，店家竟然貼心地有四拼炸雞餐揀！就算係四拼，份量都好足夠，一上枱已經好開心！我哋叫咗芝士雪花炸雞、乳酪洋蔥炸雞、香蔥炸雞同埋蜜糖粟米雪花炸雞。
炸雞每件都熱辣辣，外脆內軟，唔會炸到好乾咁！我哋最推介佢哋個招牌乳酪洋蔥炸雞，個洋蔥有醃過唔會太搶口，酸酸哋，加埋個乳酪醬，一定要一齊啪落口！幾種味道好夾，好滋味呀！下次一定會encore呢隻味！
[泡菜餃子湯]
強烈建議大家都叫個湯飲，呢款泡菜餃子湯個湯底好清，除咗有大大隻足料泡菜餃子之外，仲有韓國粉絲、雞蛋、年糕等配料，食完咁多炸雞，再飲啖熱湯潤吓，正！
[蟹肉捲飯]
為咗均勻營養，我哋都點咗款捲飯做主食，個捲飯包得好靚，份量又足，配料清新爽口～
[凍西梅汁、紅葡萄柚梳打]
本來以為係低成本罐裝飲品，上枱時先知係大大杯，勁抵飲！西梅汁唔會好似中式酸梅汁咁酸，甜度啱啱好，促進消化！
呢一餐真係好抵食，比我哋預算便宜但又食到好飽，誠意推介去北角嘅朋友去食！
Post
