Video
Read full review
2020-12-16
5670 views
好耐無去北角匯 Shopping，印象中對上一次嚟已經係大半年前嘅事。見今日放假，提議過去商場逛逛，順便在場內覓食。無嚟一排，原來場內多咗好多新嘅商舖同食肆。兩口子一向都很鍾情打邊爐，今次就揀咗間日式火鍋放題店，餐廳主打一人一鍋，既方便又衞生。到埗後要先喺門口選定吃邊款套餐同埋湯底，我哋揀咗個 90 分鐘嘅「美國頂級牛肉放題套餐」($178)，而湯底就選了美人豆乳鍋 同 骨膠原豬骨鍋。入座後，兩款湯底就即時送上，效率超高。美人豆乳鍋以日本豆乳及醬油調製而成，入口香醇細滑，夠曬滋潤。骨膠原豬骨鍋應該用咗唔少豬骨熬製，湯內有明目嘅杞子，真材實料，飲落好似住家湯水一樣，完全無味精，好味又健康。套餐可以任食幾款肉，包括有：美國直送頂級牛肩胛、丹麥皇冠豚梅肉、紐西蘭綠之草原羊肩肉。牛肉嘅質素真係唔錯，牛味好濃，肉質柔軟兼富肉汁，入口油香十足。至於另外兩款羊肩肉同豚梅肉，食味亦不俗，羊肩肉肉質好香甜，入口完全無腥臊味；而薄切的豚肉，肉味亦非常濃郁，肉質細膩腍身，肉帶有脂肪，入口即溶。食完幾款肉，又係時候出去自助吧檯拿點配料和菜蔬調劑一下。嘩！選擇真係好豐富，除了有較大路嘅貢丸、牛筋丸、芝士腸、蓮藕
無嚟一排，原來場內多咗好多新嘅商舖同食肆。兩口子一向都很鍾情打邊爐，今次就揀咗間日式火鍋放題店，餐廳主打一人一鍋，既方便又衞生。
到埗後要先喺門口選定吃邊款套餐同埋湯底，我哋揀咗個 90 分鐘嘅「美國頂級牛肉放題套餐」($178)，而湯底就選了美人豆乳鍋 同 骨膠原豬骨鍋。
入座後，兩款湯底就即時送上，效率超高。美人豆乳鍋以日本豆乳及醬油調製而成，入口香醇細滑，夠曬滋潤。
骨膠原豬骨鍋應該用咗唔少豬骨熬製，湯內有明目嘅杞子，真材實料，飲落好似住家湯水一樣，完全無味精，好味又健康。
套餐可以任食幾款肉，包括有：美國直送頂級牛肩胛、丹麥皇冠豚梅肉、紐西蘭綠之草原羊肩肉。牛肉嘅質素真係唔錯，牛味好濃，肉質柔軟兼富肉汁，入口油香十足。
至於另外兩款羊肩肉同豚梅肉，食味亦不俗，羊肩肉肉質好香甜，入口完全無腥臊味；而薄切的豚肉，肉味亦非常濃郁，肉質細膩腍身，肉帶有脂肪，入口即溶。
食完幾款肉，又係時候出去自助吧檯拿點配料和菜蔬調劑一下。嘩！選擇真係好豐富，除了有較大路嘅貢丸、牛筋丸、芝士腸、蓮藕、娃娃菜等之外，仲有平日放題較少見嘅豬肚丸、台灣蛋餃、羽衣甘藍、日本京水菜、紅心蘿蔔等等。
至於飲品亦有多款選擇，有罐裝汽水、啤酒、烏龍茶、爆杯西柚等。要特別推介當中嘅樽裝冷泡茶，無糖及無添加，啖啖堅茶味，清新透心。
最驚喜係竟然有 Mövenpick 雪糕、超級大腳板 同 Oreo 雪條任吃，淨食雪糕、雪條已經值回票價！
Post
