Video
Read full review
2024-06-21
16 views
串燒款式好多，menu有成過百款，仲有不同口味風格， 主要係日式，又可以揀泰式、韓式、新疆或川味，搞到選擇困難症發作🤣 價錢唔算好貴，大多數都係廿幾蚊串，份量亦合理。整體味道都唔錯，唔係個啲用超多孜然粉蓋過晒食材味道唔知食緊乜嘅串燒。🔸 精選燒肉 鹽燒和牛牛小排 $48牛小排肉質扎實較瘦，有牛肉嘅甜香味，一串有3大片燒香牛肉👍🏻鹽燒A4宮崎和牛 $58 A4和牛入口即溶，明顯比起牛小排油脂感重好多，咬落直頭爆晒油，極重牛脂油香。 有點岩鹽喺燒肉面頭簡單調味更突出和牛牛味😋厚切鹽燒牛舌拖羅 $48爽口同冇牛騷味，厚切牛舌口感爽口肥美juicy泰式豬頸肉 $28焦脆肉香！燒得唔會韌，咬落有肥肥哋嘅油脂，蘸上啲泰式甜辣醬嚟食就好有泰國美食滋味。味道：8/10性價比：7/10🔸 燒海鮮 蒜蓉燒廣島蠔 兩隻 / $44燒得火候啱啱好，唔會過火，兩隻鮮蠔都好好味，尤其配咗好多惹味嘅蒜蓉，相當美味。浜燒活元貝 $58元具肉質飽滿，就係原始方式直接利用貝殼隔火燒，上枱滾熱辣，入口帶有海水礦物咸味。鹽燒紅衫魚 $32細條紅衫魚仔燒得好有鹹香味，只係剛剛燒熟，魚肉仍然好鮮嫩，味道係比較鹹嘅，師傅將條
🔸 精選燒肉
鹽燒和牛牛小排 $48
牛小排肉質扎實較瘦，有牛肉嘅甜香味，一串有3大片燒香牛肉
👍🏻鹽燒A4宮崎和牛 $58
A4和牛入口即溶，明顯比起牛小排油脂感重好多，咬落直頭爆晒油，極重牛脂油香。 有點岩鹽喺燒肉面頭簡單調味更突出和牛牛味😋
厚切鹽燒牛舌拖羅 $48
爽口同冇牛騷味，厚切牛舌口感爽口肥美juicy
泰式豬頸肉 $28
焦脆肉香！燒得唔會韌，咬落有肥肥哋嘅油脂，蘸上啲泰式甜辣醬嚟食就好有泰國美食滋味。
味道：8/10
性價比：7/10
🔸 燒海鮮
蒜蓉燒廣島蠔 兩隻 / $44
燒得火候啱啱好，唔會過火，兩隻鮮蠔都好好味，尤其配咗好多惹味嘅蒜蓉，相當美味。
浜燒活元貝 $58
元具肉質飽滿，就係原始方式直接利用貝殼隔火燒，上枱滾熱辣，入口帶有海水礦物咸味。
鹽燒紅衫魚 $32
細條紅衫魚仔燒得好有鹹香味，只係剛剛燒熟，魚肉仍然好鮮嫩，味道係比較鹹嘅，師傅將條魚尾都燒得好香脆，可以食埋，正😋
味道：8/10
性價比：7/10
🔸 精選 燒鳥
鹽燒阿波尾七里香 $22
呢個就係將個雞籮柚燒香佢，畀到你三重口味，面頭嘅雞皮係燒得脆口嘅，中間有一片好似啫喱咁嘅雞油淋bet bet，裏面就係少少煙韌嘅雞肉，整得乾淨唔會有騷味。
鹽燒赤雞頸肉 $22
有好香雞肉味，雞頸肉比較嫩口，唔會柴。
汁燒新鮮雞肝 $28
雞肝有鮮味，件頭較大，熱食會好啲。
明太子雞腿肉 $28
肉質正常，唔會太老鞋口，比想像中大串厚肉，雞肉本身調味偏淡，味道主要靠表面嘅明太子醬。
味道：7/10
性價比：7/10
🔸 焦糖青蘋果鵝肝多士 $108
一大片燒鵝肝表面已經燒得焦香，淋咗一啲焦糖係面頭，下面就係一大塊青蘋果墊住多士打底，用嚟拌住嫩滑美味鵝肝一齊食，有幾層口感味道。
味道：9/10
性價比：7/10
▪️
🔹環境： 採用 和風木系簡潔裝修，十分乾淨企理，座位寬敞，餐廳一直播住好輕快有爵士feel嘅歐西流行歌曲😚情調一流。
Post
