Food Lab (Closed)

科學園區內食肆唔少，但係同區外相比都係貴一啲啲，而西餐都有幾間，不過普遍都比其他一般快餐食肆貴，今次揀咗food lab。Food lab 一個套餐平均都要$100，揀黃色Menu 都只有主菜同餐飲，白色menu就多個餐包同湯。安格斯牛肉芝士漢堡叫咗五成熟，牛肉好有肉汁，好厚身，漢堡包嘅部分都好脆，唔乾唔靱 。牛肋肉煮到好淋同好入味，可惜得三四舊牛，配菜同薯蓉反而好大份。三文魚柳就好大舊，味道醬汁都好味，只係有一點兒乾。