Update Restaurant Info Business Zone

Le Paradis Cafe & Restaurant

Open Now

Now Closed

4

4

465 Reviews

Taste

Decor

Service

Hygiene

Value

|

13663

Tsim Sha Tsui

$401-800

French Western Steak House Private Kitchen

404

16

13

Terms & Details:
Restaurant:	Le Paradis Cafe & Restaurant
Offer:	Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply.
Join the Cathay membership programme and start earning miles today!
Asia Miles can be earned on eligible transactions of up to HKD10,000. Cathay members can earn HKD 4 = 1 mile when dining at Cathay partner restaurants. Standard Chartered Cathay Mastercard® holders can earn an additional HKD 4 = 1 dining rewards when they pay with their card, for a total of HKD 4 = 2 miles. Asia Miles earned are based on the total amount spent including service charges, taxes and tips. Asia Miles may not be earned on certain promotional menus. Please check with individual partner restaurants prior to dining. Asia Miles will be credited to members’ accounts 10 working days after each eligible dining transaction.

Other Cathay Terms & Conditions apply.

Happy365

Level4

124

1

一行十二人去邊食飯其實都幾傷腦筋，想一班人傾吓計又唔想食中餐，但食西餐又怕一班朋友傾得興奮嘈住其他人！好彩朋友介紹咗間十二人就可以包塲嘅法式餐廳俾我！呢度嘅菜式由每日決定，所以BOOK位時已經講好MENU，五道菜分別有頭盤、湯、沙律、主菜，仲有甜品，五道法國菜都係$398！大門口位置係右邊！記得認清楚，因為左邊係另一間餐廳！門口已經貼有好多雜誌介紹！我哋去到時太約六點幾，太早所以未有客人！其實BOOK位時都有問想坐室外定室內，我當時選咗室內！室內嘅環境都唔錯！好有情調，好啱一班人食吓飯傾吓計！不過出咗去室外睇，發覺室外嘅環境仲好！感覺比較舒適自然，而且餐廳室外都裝有冷氣同風扇，所以一D都唔覺得熱仲好舒服！大家都覺得戶外嘅環境比較好，所以問咗可唔可以轉室外，因為未有客人所以可以同我哋安排！真好！室外仲可以睇人沖野飲！首先嚟嘅係Focaccia 意式香草麵包，放咗Rosemary、橄欖同蕃茄，食落去介乎係麵包同鬆餅之間，因為加有香草同橄欖味道一流！頭盆分別有吞拿魚他他、青蘋果乾煙三文魚忌廉芝士同白酒忌廉煮青口！忌廉芝士混入咗三文魚、洋蔥、西芹，忌廉芝士本身就好又話幼滑香口，就咁食都已經好滿

Read full review

一行十二人去邊食飯其實都幾傷腦筋，想一班人傾吓計又唔想食中餐，但食西餐又怕一班朋友傾得興奮嘈住其他人！

好彩朋友介紹咗間十二人就可以包塲嘅法式餐廳俾我！呢度嘅菜式由每日決定，所以BOOK位時已經講好MENU，五道菜分別有頭盤、湯、沙律、主菜，仲有甜品，五道法國菜都係$398！

大門口位置係右邊！記得認清楚，因為左邊係另一間餐廳！

門口已經貼有好多雜誌介紹！

我哋去到時太約六點幾，太早所以未有客人！其實BOOK位時都有問想坐室外定室內，我當時選咗室內！

室內嘅環境都唔錯！好有情調，好啱一班人食吓飯傾吓計！

不過出咗去室外睇，發覺室外嘅環境仲好！感覺比較舒適自然，而且餐廳室外都裝有冷氣同風扇，所以一D都唔覺得熱仲好舒服！大家都覺得戶外嘅環境比較好，所以問咗可唔可以轉室外，因為未有客人所以可以同我哋安排！真好！

室外仲可以睇人沖野飲！

首先嚟嘅係Focaccia 意式香草麵包，放咗Rosemary、橄欖同蕃茄，食落去介乎係麵包同鬆餅之間，因為加有香草同橄欖味道一流！

吞拿魚他他

青蘋果乾煙三文魚忌廉芝士

頭盆分別有吞拿魚他他、青蘋果乾煙三文魚忌廉芝士同白酒忌廉煮青口！

青蘋果乾煙三文魚忌廉芝士

忌廉芝士混入咗三文魚、洋蔥、西芹，忌廉芝士本身就好又話幼滑香口，就咁食都已經好滿足！

青蘋果乾煙三文魚忌廉芝士

再夾青蘋果乾一齊食味道酸酸甜甜，就更加惹味開胃、齒頰留香！這道菜除了賣相十分討好外，味道亦一流！

吞拿魚係一個半山熟嘅狀態，吞拿魚味道清甜，再混入咗洋蔥、番茄同蕃茜，食落去酸酸辣辣又係一個開胃嘅前菜！

白酒忌廉煮青口

白酒忌廉煮青口，呢個係法國BB藍青口，肉質好嫩滑鮮甜！白酒忌廉汁加左洋蔥同埋香草，所以個汁好香好鮮甜，再加埋蒜蓉包可以點執食，所以大家都搶住食！

松露蘑菇湯、忌廉龍蝦湯

今日嘅湯有兩款選擇，松露蘑菇湯同忌廉龍蝦湯。

忌廉龍蝦湯

龍蝦湯每日都用大量嘅龍蝦頭、蝦殼、蟹等等所製而成，所以味道十分濃郁，再加入忌廉十分香滑！

忌廉龍蝦湯

真才實料有好大片龍蝦肉！

松露蘑菇湯

松露蘑菇湯

黑松露蘑菇湯亦沒有失色，一來已經聞到很香的松露味道，再加上其他菇菌打碎再加入忌廉，所以入口幼滑、香味濃郁！

Salami無花果田園沙律

Salami無花果田園沙律

這個Salami無花果田園沙律，比較特別因為加咗無花果乾，所以食落去甜甜地帶有一啲花香嘅味道！

Salami無花果田園沙律

Salami豬肉腸味道香濃、口感醇厚、食後有陣陣嘅油香。沙律菜亦都好新鮮，所以整個沙律配合得很好！
今日嘅Main Course有三個選擇，有新西蘭BB羊架半薄荷汁、煎封發國油鴨髀伴自家製雜莓汁、美國頂級封乾肉眼扒！

新西蘭BB羊架

新西蘭BB羊架佢同就知道已經有幾鮮嫩幼滑啦！肉質亦都係呈現粉紅色！因為係4-6個月BB羊嘅關係所以脂肪較少亦沒有羊羶味！而配菜方面亦都好特別係用咗紫薯再加忌廉製作而成，有別於一般都係普通薯泥嘅做法！不過唯一美中不足嘅地方就係用咗豆角而不是用露荀，其實是我不喜歡豆角！

煎封法國油鴨髀伴自家製雜莓汁

煎封法國油鴨髀伴自家製雜莓汁

煎封法國油鴨髀伴自家製雜莓汁，油鴨髀係放入65度嘅鴨油浸六至八個小時，再於上餐桌前放入焗爐內烤到金黃色！

煎封法國油鴨髀伴自家製雜莓汁

油鴨髀本身鹹香味很濃，而且亦烤到十分金黃脆口，鴨肉亦很嫩滑、齒頰留香！再配上自家製嘅雜莓汁，酸酸甜甜完全減低左油膩嘅感覺！

美國頂級封乾肉眼扒

肉眼扒係經過封乾35天而製成嘅，這個做法可以把肉汁完全鎖係牛肉裏面，肉眼扒食落有香濃嘅牛肉味，肉汁豐富，而且亦很柔嫩。其實完全唔使點醬汁都已經好好味、好友牛肉嘅鮮味，所以完全唔知個醬汁係咩味！

心太軟用上70％以上嘅比利時黑朱古力，所以不會很甜，而且這道甜品絕對是100分！

首先，外面嘅蛋糕烤得外脆內軟，有香濃嘅巧克力味！

切開蛋糕朱古力漿立即從蛋糕緩緩流出，流心的醇厚度剛剛好，流心之餘又不會立即流散，朱古力漿入囗順滑帶甘苦味道，而且甜而不膩！所以伴邊嘅雪糕立即變得黯然失色，完全忘記咗雪糕嘅存在！

焦糖燉蛋嘅難度在於點去平衡蛋味同燉蛋嘅幼滑度，呢度嘅焦糖燉蛋有香濃蛋味之餘又不失幼滑！

而面層嘅焦糖脆亦燒嘅時間亦掌握得剛好，並不會有燶苦嘅味道！

唯一可惜嘅係大部份朋友都唔飲酒嘅，所以今餐飯我哋冇叫酒，都係想要一杯但自己飲又好似冇咩意思！唯有等下次再嚟嘅時候，再叫返支紅酒一邊食一邊飲！

不過我都叫咗杯COCKTAIL！

最後仲有杯苿莉花茶，好香苿莉花香又清清甜甜！正好幫助消化！

(The above review is the personal opinion of a user which does not represent OpenRice's point of view.)

Share
Recommend

Recommended
Report

Post

DETAILED RATING

Taste

Decor

Service

Hygiene

Value

Date of Visit

2015-10-01

Dining Method

Dine In

Spending Per Head

$400 (Dinner)