十二味 (卓爾廣場)

Open Now

Now Closed

近排成日都有食辣癮， 但係因為疫情嘅緣故都唔想出咁遠，所以近近地搵咗間喺屯門嘅川菜餐廳諗住止下癮。兩個人食唔到多嘢，都係叫咗個前菜先。降龍爪爪個名好霸氣，入邊啲餸用串串起佢，最正一定係個無骨鳳爪，醃得好入味，佢個辣油香料味重，好食唔夠喉。鵪鶉蛋都係呢道菜嘅主打，個黃夠rich，配埋個辣汁好match.主菜叫咗武隆尖椒雞，將雞切成一細舊，同尖椒一齊炒，因為買外賣嘅緣故，啲餸都凍左，自己開爐再炒炒佢，成個廚房都係嗰種四川風味😌，辣度都幾勁，食開譚仔10小可能頂唔住，雞肉肉質ok，好惹味，送飯好岩，椒同雞既比例大概一半一半啦。食完啲咁重口味嘅嘢，都係要返啲清爽嘅嘢中和下，冰粉就一個好嘅選擇，佢呢個係桂花味冰粉，上面再加少少果乾。凍冰冰咁好解渴。