澳門咖喱叻沙 (Closed)

東大街成日去, 但係越來越覺得冇野好食, 今日無無聊聊行到街既盡頭, 見到有一間寫住"澳門咖喱叻沙"既鋪頭, 個名9唔搭8, 澳門叻沙?? 叻沙唔係星加坡同馬來西亞咩? 本身都唔係太想入去試, 不過見到蔡生竟然有寫評同埋寫幾好食而且個寫評係update今年3月的, 所以就去試試。店內唔大, 頂多10個人都爆, 不過好有屋企既感覺。坐低後就叫左星加坡叻沙 + 咖喱牛腩手抓餅啦。係香港食過好多間叻沙, 間間既感覺都係好味精, 好假, 係特登整比香港人口味既叻沙, 食完要飲好多水, 我自己覺得就唔好食啦。但係呢間既叻沙, 我飲左一淡湯後, 發覺佢有一陣陣既蝦香味, 絕對唔係出面既成碗蝦水咁既味, 係淡淡既蝦香味,仲有飲完後, 口腔有一陣特別既辛辣味, 唔似係辣椒油味, 但係又唔知係乜。睇番d 寫評先知個湯有落到薑去煲, 唔錯! 同我係星加坡食過既真係差唔多! 叻沙個麵就揀左老闆推介既蒙粉, 蒙粉唔會太淋, 吸收左湯汁後, 個粉變得好好食。老闆果然冇介紹錯呀!另外咖喱牛腩手抓餅, 咖喱幾特別, 微辣, 唔似日本咖喱or印度咖喱個種! 牛腩炆得幾淋, 用筷子都可以夾開, 都唔錯, 而手抓餅就更加