森泰遠甜品餐廳 (Closed)

放工經過見到有間餐廳半自助午餐都係每位$62, 價錢好抵喎!餐廳係觀塘工業中心, 係觀塘站D2出口, 一落樓梯行前十幾步就到。一於同朋友去食。餐廳叫森泰遠甜品餐廳, 外面及入面裝修好有園林感覺, 簡潔。最重要係乾淨, 入餐廳第一樣係要用搓手液抹手, 然後店員安排顧客坐得隔離一點。而且餐具係另上, 唔會一直放枱面。店員姨姨好有禮貌, 又會同其他食客聊天, 感覺好親切。午餐有7款揀, 全部$62, 仲要唔駛加一。我同朋友揀左:麵包布甸配吉列豬扒窩夫配煎雞扒點完野就出去睇下有乜野食物拎, 職員細心提我地出去拎食物一定要帶口罩, 保持衞生。食物選擇有湯, 沙律, 熱盤, 水果, 仲有飲品。今日飲的係南瓜素湯, 職員講佢地星期一, 三都係素湯, 而且無味精落足料, 叫我地飲多碗。沙律每款都有有蓋盒裝住, 有青瓜絲, 甘筍絲, 沙律菜, 新鮮沙律, 車厘茄。熱盤會不停添加, 當日我食到有燒買, 蒸包, 烚菜。甜品亦有數款, 除了小蛋糕, 仲有大菜心, 啫喱, 布甸。還有飲品可以任飲。主菜的麵包布甸配吉列豬扒, 麵包布甸係即焗, 所以唔會咁快上到, 仲要襯熱辣辣食, 估唔到麵包布甸好大碗, 好多麵包