翠河餐廳 (Closed)

喺美孚趕時間之下去左呢間茶餐廳食左個下午茶，有好多款揀，連埋餐飲$36，好快咁叫左碟芙蓉蛋飯，因為唔想食咁咸，所以叫左走色，即係走豉油，好快趣幾分鐘已經上枱，芙蓉蛋庶曬住所有白飯，夠足料，蛋亦炒得幾滑，好快趣就食晒成碟野，個下午茶包埋一杯嘢飲，叫左杯熱檸水，成件事連埋單十分鐘左右，啱哂趕時間嘅我，語時話，呢間野已經食過好多次，多數都係趕時間之下去食，佢對面雖然已經有間大家樂，但通常都好多人，排隊買飛再排隊攞嘢食，比較費時。