火薈中日火鍋

Open Now

Now Closed

今日與太太一齊到太子探朋友，見到火薈中日的火鍋都好吸引，於是與太太決定試嚇火薈中日的火鍋。餐廳內裏裝修精緻，非常闊落，適合一大班人歡聚。我們剛剛坐下，職員已俸上茄子作前菜，並介紹主打菜，服務殷勤。原先點了蝦蟹雞煲$298，但職員話蟹賣晒，所以用龍蝦代替。愛吃龍蝦的我當然無任歡迎。當蝦蟹雞煲上枱後，職員又教我們先吃海鮮再吃雞，非常體貼。一打開蓋香味四溢，當然先吃龍蝦，龍蝦非常新鮮，肉非常爽，蝦也夠大隻，最正係配合埋個湯底d汁，辣辣地非常惹咪，基本上唔使用醬料都夠晒味。食完海鮮就食雞肉，因後吃關係，雞肉充滿湯底精華，好入味。鳳城水餃$68，非常大粒，料足，內有好多餡料，而雲耳非常爽口，好好食。皇帝菜$32，非常新鮮呀，粟米$28，亦非常鮮甜。牛立方$128，牛味十分濃郁，略嫌肥膏多了些，愛吃肥的可選之。總括而言，整間餐廳環境舒服，職員態度友善，食物不錯，值得再來。