Video
Read full review
2014-12-14
7292 views
尋晚一眾好友聚會，專登搵左呢間又好景又被同事極力推薦既餐廳，為左更好地吹水，所以搵戶外位坐 天寒地凍下諗住今次變硬雪條，點知有呢樣 真係好鬼溫暖，正，小弟成晚著住短袖都唔覺得凍了 一去到，由於未齊人，所以先叫兩個小食填下肚 先黎24 month parma ham, 油脂均勻，鹹香適中，最驚喜係蜜瓜份外香甜，兩者配搭係雙重享受 再黎係openrice眾食家極力推薦既crab cake, 一試各位食家果然無介紹錯，啖啖蟹肉，又香又鮮甜，差d想叫多份，好在最後理性戰勝獸性，試多d其他野 人黎齊正式叫多d野食，個前菜麵包最吸引我係個醬，好味，不過麵包非今晚主角，食完就算 意大利火箭菜沙律，整體黎講係唔錯架，可惜珠玉在前，俾parma ham同crab cake搶曬風頭，只好幫你嘆息兩下作安慰 呢個又係openrice眾食家推薦既must eat系列，無介紹錯，飯粒充滿龍蝦汁既味道，而且入口都係新鮮龍蝦肉，新鮮彈牙，must eat啊！！ 呢道慢煮澳洲黃油雞，係成晚令我最驚喜既。由於今晚有女伴同吃，所以我食雞胸部位，諗住d肉會鞋鞋地。點知一入口，雞肉嫩滑不特止，仲要充
天寒地凍下諗住今次變硬雪條，點知有呢樣
真係好鬼溫暖，正，小弟成晚著住短袖都唔覺得凍了 一去到，由於未齊人，所以先叫兩個小食填下肚
先黎24 month parma ham, 油脂均勻，鹹香適中，最驚喜係蜜瓜份外香甜，兩者配搭係雙重享受
再黎係openrice眾食家極力推薦既crab cake, 一試各位食家果然無介紹錯，啖啖蟹肉，又香又鮮甜，差d想叫多份，好在最後理性戰勝獸性，試多d其他野
人黎齊正式叫多d野食，個前菜麵包最吸引我係個醬，好味，不過麵包非今晚主角，食完就算
意大利火箭菜沙律，整體黎講係唔錯架，可惜珠玉在前，俾parma ham同crab cake搶曬風頭，只好幫你嘆息兩下作安慰
呢個又係openrice眾食家推薦既must eat系列，無介紹錯，飯粒充滿龍蝦汁既味道，而且入口都係新鮮龍蝦肉，新鮮彈牙，must eat啊！！
呢道慢煮澳洲黃油雞，係成晚令我最驚喜既。由於今晚有女伴同吃，所以我食雞胸部位，諗住d肉會鞋鞋地。點知一入口，雞肉嫩滑不特止，仲要充滿肉汁同蒜香味，差d以為我拎錯左雞髀部份。食雞咁耐，呢隻真係令我回味
Spanish Pork Chop, 豬肉好滑，伴碟既雜菌都好好味，可惜又係珠玉在前，帶俾我既衝擊無隻雞咁強，sorry呀
最後的甜點大作戰，正如menu所講，unbelievable taste experience, 不可思議既甜點享受。
Post
