Video
Read full review
2018-03-26
44 views
人生有幾多個十年，今日就係我同大少嘅十周年紀念日，當然要好好慶祝一下啦！之前都有留意到Amina 梗係嘆返8個courses啦！首先要讚一讚呢度嘅店員，當日天氣比較涼，我哋一入到去嘅時候點樣已經問我地需唔需要提供熱水，雖然呢一個動作好簡單，但係咁貼心嘅舉動真係唔係嗰個店員都會做。絕對要比返十個讚佢！ 既然一早已經決定咗要食呢一個八個course嘅餐，就隨即落order !之後店員就俾咗一個麵包籃同埋配麵包嘅醬俾我哋，麵包同埋醬汁都係佢哋自家製，非常有水準！平時食親Parma ham都係配蜜瓜，今次就特別啲，呢度係配蜜瓜汁嘅。食完鹹鹹嘅火腿，飲啖蜜瓜汁清一清個口，真係幾得意！接着就有依個北海道帶子食，用火槍輕輕燒一燒個帶子表面，做出一個好香嘅味道！帶子個口感不嬲都係比較軟身，配上有口感嘅藜麥同魚籽真係幾夾！呢個M9和牛他他，配搭上一塊脆餅，餅上邊有幾種唔同嘅醬，各有特色。同他他一齊食，好似有唔同層次嘅味道喺個口度咁呀！接着嘅就係龍蝦湯，比我想像中冇咁杰身，味道都幾香啊！當然如果有多啲龍蝦肉就更好啦！碟嘅旁邊佢有少少蝦子，你冇聽錯，真係蝦子麵嗰啲蝦子啊！加埋落去個湯度一齊飲，啲香味就更加濃
首先要讚一讚呢度嘅店員，當日天氣比較涼，我哋一入到去嘅時候點樣已經問我地需唔需要提供熱水，雖然呢一個動作好簡單，但係咁貼心嘅舉動真係唔係嗰個店員都會做。絕對要比返十個讚佢！
既然一早已經決定咗要食呢一個八個course嘅餐，就隨即落order !之後店員就俾咗一個麵包籃同埋配麵包嘅醬俾我哋，麵包同埋醬汁都係佢哋自家製，非常有水準！
平時食親Parma ham都係配蜜瓜，今次就特別啲，呢度係配蜜瓜汁嘅。食完鹹鹹嘅火腿，飲啖蜜瓜汁清一清個口，真係幾得意！
接着就有依個北海道帶子食，用火槍輕輕燒一燒個帶子表面，做出一個好香嘅味道！帶子個口感不嬲都係比較軟身，配上有口感嘅藜麥同魚籽真係幾夾！
呢個M9和牛他他，配搭上一塊脆餅，餅上邊有幾種唔同嘅醬，各有特色。同他他一齊食，好似有唔同層次嘅味道喺個口度咁呀！
接着嘅就係龍蝦湯，比我想像中冇咁杰身，味道都幾香啊！當然如果有多啲龍蝦肉就更好啦！碟嘅旁邊佢有少少蝦子，你冇聽錯，真係蝦子麵嗰啲蝦子啊！加埋落去個湯度一齊飲，啲香味就更加濃郁啦！
平時我喺屋企都會耐唔中整啲溫泉蛋食下，呢度都偷到師喎我！佢加上咗一啲芝士碎同黑松露，完全吊起咗個味，好正！
我好失策地唔記得影打開咗蓋個樣，其實呢一個係sorbet ，廚師好聰明地揀咗番石榴來做sorbet，將之前食過濃味嘅嘢都從舌頭抹走。坦白講，呢個sorbet係到而家都會掛住😍
廚師好好，因為我唔識鵝肝，所以就只係比一份鵝肝大少，而我呢就轉咗做雲吞。大少就話鵝肝煎得剛剛好，油香好夠；我個意大利雲吞入面，就有芝士，唔好以為淨係芝士就好膩，我反而只係覺得好香！亦都冇過分調味，讚！
Main course方面，我就梗係會揀我最鍾意嘅魚啦！seabass嘅皮勁香脆，加分！但係個魚肉就鞋咗少少喇。
大少就揀咗牛面肉，配埋啲菇一齊食。味道唔錯，肉味偏濃，如果分量大啲大少會更歡喜呢🤣
去到尾聲，當然就係甜品啦！草莓慕絲就梗係用士多啤梨黎整啦，真係好似食緊好多粒士多啤梨一樣，仲好似有少少cranberry嘅味道。側面嘅脆脆，絕對唔係配角，因為真係超好食呀！加埋少少蜜糖味嘅jelly，好滿足啊！
最後，當我地嘆緊咖啡嘅時候，店員就送上最後一道菜-雪影。係有五粒朱古力組成，我最鍾意嘅就係榛子嗰粒，配埋咖啡啲香味真係不得了！
太耐冇撐枱腳，今晚真係好開心好滿足！希望大小
少多啲帶我出去食好嘢啦，唔係一定要有咩喜慶先可以慶祝㗎嘛！
Post
