Shaz Confections (Closed)

星期六日明明係放假，但上足兩日堂仲有個考試，終於捱過咗，當然要食番個甜品賀一賀佢啦，對自己好啲呀嗎！之前係電視見到呢間蛋糕舖嘅介紹，已經好想去試啦！舖頭裝修行簡約風，光線十足，採用左落地玻璃，路人經過直望入去嘅蛋糕櫃，都會俾吸引過去。另外，廚房亦落左玻璃，可以俾食客欣賞每一個千層蛋糕嘅製作過程。有好多款嘅千層蛋糕選擇，女孩子通常都會出現選擇困難症，款款都好吸睛，款款都好似好好食甘。我最想試嘅玫瑰荔枝味已經售罄，唯有下次請早。最後選擇左紫薯綠茶千層蛋糕和紅桑子忌廉芝士千層蛋糕。兩件蛋糕賣相精緻不在話下，有十多層嘅薄餅皮塗上軟滑忌廉堆砌係海綿蛋糕上面。紅桑子酸酸甜甜嘅味道中和左忌廉芝士嘅濃膩感，中間亦食到紅桑子果肉，完全沒有濟嘅感覺。而紫薯綠茶呢件mix and match，食落完全冇違和感，非常意想不到嘅效果。另外，估唔到小店推供水俾客人自助斟，水入面仲滲左好多薄荷業同埋檸檬片，很用心。希望下一次嚟可以試到招牌嘅玫瑰荔枝味！58蚊一件蛋糕感覺相對比較貴，但係當我試過整一次千層蛋糕，就知道那個過程有幾煩，甘就覺得呢個價錢其實係值嘅。