Video
Read full review
2024-11-30
2424 views
最近係荃灣新開既「千海水產海鮮火鍋放題店」正值試業期間，吸引左我同老公黎試下佢地既任食即撈海鮮火鍋，因為價錢真係好抵！平日7:30前離座每位$278，九點後入座每位$288，仲平咗$50！呢度最大既特色係客人可以即場自己撈海鮮，全部都新鮮到震，而且真係無限任食，絕對係海鮮控嘅天堂！.自助撈鮮活海鮮：鮮到冇朋友！一入到店見到個自助撈海鮮區真係震撼，入面有鮑魚、大頭蝦、花蟹、蜆、沙白、海螺等等，數款生猛海鮮等你自己撈。撈完之後，店員仲會幫手清潔，超貼心！海鮮區D補貨速度超快，完全吾洗驚比人搶哂。將d鮮活海鮮撈完放落湯滾一滾，果陣鮮味真係無得頂！特別係大頭蝦同花蟹，肉質真係好鮮甜.雙拼湯底：麻辣過癮，人蔘滋味今次我地揀咗秘製麻辣鍋同人蔘雞鍋雙拼湯底，兩個味道截然不同但又各有特色。麻辣鍋香麻帶勁，d辣度吾會太過火，反而帶出食材既鮮味；人蔘雞鍋湯底清甜，有淡淡既藥材香，飲落好滋補，尤其適合想要清熱既朋友。雙拼選擇真係滿足晒吾同口味需求！.自助區：豐富選擇，應有盡有餐廳有9大自助區，款式超豐富！係火鍋配料區可以拎到牡蠣、帆立貝、黑毛肚等高質配料；熟食區仲有唐揚炸雞，烤榴槤，麻辣小龍蝦；甜點區更有榴
最近係荃灣新開既「千海水產海鮮火鍋放題店」正值試業期間，吸引左我同老公黎試下佢地既任食即撈海鮮火鍋，因為價錢真係好抵！平日7:30前離座每位$278，九點後入座每位$288，仲平咗$50！呢度最大既特色係客人可以即場自己撈海鮮，全部都新鮮到震，而且真係無限任食，絕對係海鮮控嘅天堂！
.
自助撈鮮活海鮮：鮮到冇朋友！
一入到店見到個自助撈海鮮區真係震撼，入面有鮑魚、大頭蝦、花蟹、蜆、沙白、海螺等等，數款生猛海鮮等你自己撈。撈完之後，店員仲會幫手清潔，超貼心！海鮮區D補貨速度超快，完全吾洗驚比人搶哂。將d鮮活海鮮撈完放落湯滾一滾，果陣鮮味真係無得頂！特別係大頭蝦同花蟹，肉質真係好鮮甜
.
雙拼湯底：麻辣過癮，人蔘滋味
今次我地揀咗秘製麻辣鍋同人蔘雞鍋雙拼湯底，兩個味道截然不同但又各有特色。麻辣鍋香麻帶勁，d辣度吾會太過火，反而帶出食材既鮮味；人蔘雞鍋湯底清甜，有淡淡既藥材香，飲落好滋補，尤其適合想要清熱既朋友。雙拼選擇真係滿足晒吾同口味需求！
.
自助區：豐富選擇，應有盡有
餐廳有9大自助區，款式超豐富！係火鍋配料區可以拎到牡蠣、帆立貝、黑毛肚等高質配料；熟食區仲有唐揚炸雞，烤榴槤，麻辣小龍蝦；甜點區更有榴槤布甸、提拉米蘇杯；仲有熱飲清酒區，提供左梅酒、椰青水等多種熱飲，清酒飲品選擇。加上透過App仲可以點肉類、炸物、燒物，成個體驗真係好方便。
.
高質肉類：澳洲M5和牛同美國肩胛肉*
澳洲M5和牛油花分佈均勻，燙一燙已經入口即溶，超級鮮嫩。美國肩胛肉則係另一種風味，肉味濃郁，配埋麻辣湯底一齊食，d油脂既香氣完全激發出黎，真係令人停吾到口。
.
火鍋配料區：新鮮多樣，吾怕揀吾到岩食既
配料區既選擇多到可以食足兩個鐘吾重複，特別推介即炸午餐肉、鮮雞子同脆鯇魚片，炸完再放落湯煮，口感一流！如果鐘意食菜，仲有羽衣甘藍、芥菜同龍眼苗等健康選擇，岩晒各類型食客。
.
熟食驚喜：烤榴槤同麻辣小龍蝦
熟食區最令人驚喜既係烤榴槤，外脆內滑，香濃既榴槤味真係直擊心房，仲要係任食吾嬲。麻辣小龍蝦既麻辣味剛剛好，肉質彈牙，食極都吾覺膩，值得一試。
.
甜品區：多款選擇，完美收尾
甜品區真係甜品控既福音，有黑金綠茶芝士蛋捲、榴槤慕絲大福、豆腐花等，仲有經典提拉米蘇杯，口感細緻，甜度適中，為整個晚餐劃上完美句號。
飲品雪糕區：解渴又滿足
飲品選擇有四季金橘汁、自家製洛神花茶，同埋多款氣水啤酒；雪糕區就更厲害，推介Häagen-Dazs雪糕同泰國傷心椰子雪條，吾單止解渴仲可以即刻降溫，為火鍋體驗加分。
Post
