Video
Read full review
2020-02-16
1378 views
嬲到要寫第一個review...如果想生日食得開心要考慮下轉第2間食🙁因為慶祝朋友生日，已經早幾日打去訂位，訂位時話唔收切餅費，去到拎檯時交蛋糕都無話收費。當食完飯要上蛋糕時，店員竟然話唔知我地有蛋糕keep起😞 我地等左45分鐘，一直未有蛋糕，然後上左個海帶湯，話係生日就會送。仲飲緊個海帶湯，蛋糕都未上，就叫我地埋單先。然後帳單上有$100切餅費，好彩即時發現問店員，店員話不嬲都有切餅費，堅持要收費。我地問既然蛋糕未上，咁我地拎走唔係到食，但店員竟然話個海帶湯係值$150蚊，我地都飲左所以要比切餅費🤯 當時海帶湯佢係話送嘅，仲問左幾次都話唔洗收切餅費，最後竟然話要收！同佢爭論左一陣佢話問老細先決定唔收我地錢。😓過左差唔多成粒鐘，錢都比埋，最後蛋糕上時，發現成個千層蛋糕結左冰，表面仲有好多水珠🤬一問之下佢話因為當時係比左啲低級啲嘅店員，啲店員是但放左係放泡菜嘅雪櫃到，而個泡菜櫃係極凍，佢都有即刻話唔好意思，但我地成個蛋糕已經硬到唔食得，個蛋糕仲買左好大個，成400幾蚊...😥臨走時同佢老細反映，係一個中文唔太好嘅白髮女士，個老細仲話：喔！係咩。一啲悔意都無，真係食到食肚氣...😩我地7
因為慶祝朋友生日，已經早幾日打去訂位，訂位時話唔收切餅費，去到拎檯時交蛋糕都無話收費。當食完飯要上蛋糕時，店員竟然話唔知我地有蛋糕keep起😞 我地等左45分鐘，一直未有蛋糕，然後上左個海帶湯，話係生日就會送。
仲飲緊個海帶湯，蛋糕都未上，就叫我地埋單先。然後帳單上有$100切餅費，好彩即時發現問店員，店員話不嬲都有切餅費，堅持要收費。我地問既然蛋糕未上，咁我地拎走唔係到食，但店員竟然話個海帶湯係值$150蚊，我地都飲左所以要比切餅費🤯 當時海帶湯佢係話送嘅，仲問左幾次都話唔洗收切餅費，最後竟然話要收！同佢爭論左一陣佢話問老細先決定唔收我地錢。😓
過左差唔多成粒鐘，錢都比埋，最後蛋糕上時，發現成個千層蛋糕結左冰，表面仲有好多水珠🤬一問之下佢話因為當時係比左啲低級啲嘅店員，啲店員是但放左係放泡菜嘅雪櫃到，而個泡菜櫃係極凍，佢都有即刻話唔好意思，但我地成個蛋糕已經硬到唔食得，個蛋糕仲買左好大個，成400幾蚊...😥
臨走時同佢老細反映，係一個中文唔太好嘅白髮女士，個老細仲話：喔！係咩。一啲悔意都無，真係食到食肚氣...😩
我地7個人每人食左4百幾蚊，當日全單有八五折，叫左一個4人套餐同一盤什錦烤肉。食物質素尚可，但偏貴。服務就絕對係極差...😞
小菜係叫餐就會送，款式都幾多。
小菜
17 views
0 likes
0 comments
叫左燒肉可以選擇叫店員幫你燒或者自己燒，肉質素都可以，但一盤除返開都要二百蚊左右。
20 views
1 likes
0 comments
燒饅魚係套餐包嘅，店員不停推介，無骨都幾軟身。
燒饅魚
23 views
0 likes
0 comments
亦係套餐包嘅牛肉八爪魚鍋，個湯幾淡，無咩味，但八爪魚幾彈牙，應該都幾新鮮，但如果就咁單點建議可以唔洗叫。
牛肉八爪魚鍋
17 views
0 likes
0 comments
炸人參，亦係套餐包嘅，都幾有趣係出面無試過，但食落去苦苦地又淋淋地咁，有啲奇怪，但如果鐘意人參嘅可以一試。
炸人參
22 views
0 likes
0 comments
專登訂嘅蛋糕，切左一舊出嚟試一試，用個叉係咁敲佢都唔會碎，完全浪費左我成個蛋糕🙁 最後成個dump咗...
被雪到結冰嘅生日蛋糕
28 views
0 likes
0 comments
Post
