千里屋食堂 (Closed)

銅鑼灣開咗一間小店，如果淨係睇門口的話絕對估唔到原來佢係食鹿兒島和牛嘅專門店，咁當然佢除咗和牛之外佢仲會有其他主打。呢到對牛的烹調手法，除咗會有鐵板，丼飯之外仲會有壽喜燒，而且有好多唔同的部位同味道可以選。今次叫咗個熟成黑牛丼，用上300g的牛肉，份量超多，堆出來一坐山仔甘，好豐富，對於一個男人嚟講都食唔唒。味道來講亦都非常之有日式嘅風味，佢啲醬汁調得非常之好，夾埋啲配菜嘅洋蔥嚟食已經非常之開胃。另外我就叫左一講收起燒嘅和牛火鍋，初頭以為只會有一份牛肉同埋些少嘅菜，但係估唔到套餐嘅份量亦都非常之大，菜有一個鍋另外仲會有一盤分開擺，而肉類除咗油脂分布非常之咁靚嘅和牛片之外仲會有五層嘅豚肉片。牛肉唔使講淨係睇相都知道係非常之好味啦，牛味，濃，脂肪重，入口即溶。豚肉亦唔失色，咬落爽身，香口。最後仲要提一提佢嘅湯底味道都十分之好，可能我個人鍾意味道比較濃嘅關係，所以呢個湯嘅味道我覺得啱啱好，而且仲帶點甜味，加人烏冬再加隻蛋嚟撈，完美。