Video
Read full review
2017-07-17
444 views
睇番自己嘅旅遊記錄，每隔三、四年就會過寶島旅行一次，對上一次喺2013年尾嘅台北搭宜蘭之郊遊樂（有興趣嘅朋友可瀏覽小弟嘅開飯遊蹤）。嗰次旅行發覺宜蘭好好玩，所以，今年九月已安排好進發花蓮、台東。台灣真喺好多美食，牛肉麵喺其中一種，印象較深喺晌高雄市鹽埕區嘅老宋牛肉麵所食嘅紅燒牛肉麵，平靚正。食友話我知，晌堅離地城都有一家小店「五斗米」，牛肉麵亦喺一讚，故是晚特意到訪。果然喺小店一家，拉開趟門，窄長嘅環境一眼見晒，近門口有個開放式大廚房，時刻傳來陣陣鹵水香。裝修簡樸，一排打直就喺啲二人位，牆上除有啲別緻嘅掛燈外，就喺一啲台灣寫實黑白照。餐牌就只有落單嘅點菜紙，已寫上5款主食、6款台式滷味、2款特色小食，以及4款台式飲品，飲品可隨個人喜好額外加珍珠。食物選擇唔多，相信想在乎精及專注。冬瓜茶 $15、古早味紅茶 $15消暑嘅梗喺揀冬瓜茶啦，自家煲製無添加，飲落清甜潤喉。不過，依度啲飲品唔會好凍，事後聽老闆解釋，台灣人唔會飲得太凍，通常喺涼涼哋，但如果客人要凍啲加冰都無問題。另一杯古早味紅茶，茶味幾清純，唔會有咩苦澀味，老闆補充話喺台東嚟嘅茶葉，咁我到時去台東旅行就要好好享受吓當地茶葉喇。原汁
果然喺小店一家，拉開趟門，窄長嘅環境一眼見晒，近門口有個開放式大廚房，時刻傳來陣陣鹵水香。裝修簡樸，一排打直就喺啲二人位，牆上除有啲別緻嘅掛燈外，就喺一啲台灣寫實黑白照。
餐牌就只有落單嘅點菜紙，已寫上5款主食、6款台式滷味、2款特色小食，以及4款台式飲品，飲品可隨個人喜好額外加珍珠。食物選擇唔多，相信想在乎精及專注。
冬瓜茶 $15、古早味紅茶 $15消暑嘅梗喺揀冬瓜茶啦，自家煲製無添加，飲落清甜潤喉。不過，依度啲飲品唔會好凍，事後聽老闆解釋，台灣人唔會飲得太凍，通常喺涼涼哋，但如果客人要凍啲加冰都無問題。另一杯古早味紅茶，茶味幾清純，唔會有咩苦澀味，老闆補充話喺台東嚟嘅茶葉，咁我到時去台東旅行就要好好享受吓當地茶葉喇。
原汁牛肉麵 $60此行嘅目標喺牛肉麵，所以，原汁牛肉麵喺穩膽，另再加多碗肉燥飯。個麵嘅湯頭好濃郁鮮香，卻不覺油膩，呷一口可以話喺啖啖精華，麵條好有韌性，而牛肉大概有6-7嚿，入口軟腍鬆化，且極之入味，感覺好有嗰次晌高雄食到嘅感覺。
原汁牛肉麵
$60
35 views
0 likes
0 comments
滷雞腿肉燥飯 $55肉燥飯又喺好能代表台灣嘅食物，肉燥似喺用上半肥瘦豬肉做，混有少少冬菇粒同蝦米粒，又淋上少少膏油，感覺可能有點肥，但配上飯粒分明嘅珍珠米，卻非常芳香好食；而滷雞腿入晒味，肉質比預期嫩滑，再伴以未必人人喜歡口感爛爛哋嘅白菜滷，的確好有地道風味。
水煎香腸 $40台灣香腸本身都頗有特色，仲記得以前啲人好鍾意買黑橋牌香腸做手信，至於對店中嘅「水煎」香腸喺源於好奇，原來，因為啲香腸油份足，簡單以水煎熱逼出油份就夠，腸皮香脆，味道帶甜；地道啲食法就喺伴蒜蓉，辛辣中更突出香腸嘅甜味。
水煎香腸
$40
26 views
0 likes
0 comments
友人想多點蔬菜落肚，所以，就要咗一客台式燙青菜，點樣台式法？就喺灼生菜中加入肉燥、蒜蓉同醬油，令整體味道更鹹香。
原汁牛肉麵及滷雞腿肉燥飯嘅份量都好十足，小弟都只喺去過台灣數次，次次都試唔同嘢，所以，真喺唔敢講話一食就知正唔正宗，地唔地道，但絕對跟香港本土有唔同嘅風味；尤其啲白菜滷，晌墾丁第一次食真喺唔太接受架，感覺爛溶溶咁，所以，難得店主堅持台灣口味而沒有刻意去改變。
Post
