牛摩 (Closed)

平時食晏唔夠飽，想食飽一飽牛摩係唔錯嘅選擇，呢間分店第二次嚟，座位唔逼坐得幾舒服，服務態度比上次更好，食物質素亦唔錯。我哋兩個人揀咗$99任食肥牛，雞肉，豚肉呢個餐，叫咗五次牛肉，好滿足呀。首先叫咗兩碟牛肉，豚肉雞肉各一碟。牛肉第一碟油脂分佈比較明顯，味道唔錯。豚肉同雞肉中規中矩。下面分別係第二次同第三次叫油脂比第一碟少，但食落分別唔太大。下面係第三同第四碟。各式各樣嘅丸，菜，粉麵類可以喺自助區自取。甜品及沙律。自助區各式汽水，飲品，乳酪。呢度奶茶好滑，好香奶味，我飲咗好多杯。乳酪似沙冰食，食飽後都仲食得落，食落無咩負擔。