Video
Read full review
2023-02-17
877 views
呢日下晝放假，可以好休閒咁食個晏。我同朋友揀咗「厚福館」，每次行過都畀佢嗰碗「自動拉麵」模型所吸引🤣，其實係見佢午市一人火鍋好似幾正，一直以嚟已經想試吓。餐廳環境幾大，設有包廂房間。呢度冷氣充足，抽風OK，所以打完邊爐個身都無一浸味。另外，店員們服務態度幾好，清楚菜式內容細節👍。我哋嗌咗兩個午餐，再追加小食同鍋料。佢哋單價唔貴，每份平均只需$8至$15，嗌吓嗌吓、不知不覺間就嗌咗好多，成枱都係🙈，睇嚟餐廳嘅定價策略好成功。嚐十三味牛福盤($128)，呢個係餐廳推廣緊嘅期間限定款式，造型氣勢十足😎，並且可以一次過試到多款牛肉嘅刁鑽部位。套餐內容包括🐮A5飛驒和牛、胸口朥、封門柳、安格斯頸脊、雪花勃仁、匙仁、吊龍、肥胼雙層肉、口感牛立方、潮汕牛丸、牛𦟌、牛栢葉、黃牛喉、蘿蔔同黑松露餃。每款得一片，有啲意猶未盡，不過一個人食都剛剛好😄。中間配上秘製沙茶醬，適合沾牛肉食。踏雪尋龍($138)，呢款係指雞油花雕蛋白蒸原隻巨頭蝦🥚，其實大頭蝦有幾款口味可選，有得就咁打邊爐或用芝士焗，不過感覺蒸蛋白就最具心思，不過製作時間亦比較耐。海鮮鍋入面嘅大頭蝦鮮味十足🦐，蝦頭充滿蝦膏，蝦肉爽口，由於剪開咗，食
呢日下晝放假，可以好休閒咁食個晏。我同朋友揀咗「厚福館」，每次行過都畀佢嗰碗「自動拉麵」模型所吸引🤣，其實係見佢午市一人火鍋好似幾正，一直以嚟已經想試吓。
餐廳環境幾大，設有包廂房間。呢度冷氣充足，抽風OK，所以打完邊爐個身都無一浸味。另外，店員們服務態度幾好，清楚菜式內容細節👍。
我哋嗌咗兩個午餐，再追加小食同鍋料。佢哋單價唔貴，每份平均只需$8至$15，嗌吓嗌吓、不知不覺間就嗌咗好多，成枱都係🙈，睇嚟餐廳嘅定價策略好成功。
嚐十三味牛福盤($128)，呢個係餐廳推廣緊嘅期間限定款式，造型氣勢十足😎，並且可以一次過試到多款牛肉嘅刁鑽部位。套餐內容包括🐮A5飛驒和牛、胸口朥、封門柳、安格斯頸脊、雪花勃仁、匙仁、吊龍、肥胼雙層肉、口感牛立方、潮汕牛丸、牛𦟌、牛栢葉、黃牛喉、蘿蔔同黑松露餃。每款得一片，有啲意猶未盡，不過一個人食都剛剛好😄。中間配上秘製沙茶醬，適合沾牛肉食。
踏雪尋龍
$138
9 views
0 likes
0 comments
踏雪尋龍($138)，呢款係指雞油花雕蛋白蒸原隻巨頭蝦🥚，其實大頭蝦有幾款口味可選，有得就咁打邊爐或用芝士焗，不過感覺蒸蛋白就最具心思，不過製作時間亦比較耐。海鮮鍋入面嘅大頭蝦鮮味十足🦐，蝦頭充滿蝦膏，蝦肉爽口，由於剪開咗，食得方便，另外仲有六隻大海蜆同一隻青口，味道同樣鮮甜。底部墊咗蒸蛋白同烏冬🍜，索盡海鮮精華。
佛跳牆湯
$20
6 views
1 likes
0 comments
打邊爐當然唔少得牛肉🥩，我哋追加咗牛頸脊(+$15)同金錢𦟌(+$15)，每款各有四片。雖然啲肉比較細塊，但勝在啲肉有質素，肉味濃郁，並非一般肥牛水平。
手打丸
3 views
1 likes
0 comments
濃香芫荽麵(+$5)，芫荽麵呈綠色💚，麵條偏幼身，麵質軟硬適中，食落帶微微芫荽香，但無想像中濃郁🌿，口味可算係大眾化。
醬油蛋
3 views
0 likes
0 comments
我哋另外仲要咗酸姜皮蛋(+$15)同鮑汁鮑魚(+$12)，兩款都唔錯，食落香口🤤。火鍋以外嘅選擇都唔少，口味多元化。
總括嚟講，呢餐一人火鍋好繽紛☝🍲，食食吓發覺價錢都唔算平，不過食材質素確係比任食店高。我見餐廳門口有唔少魚缸，相信海鮮係主打，有興趣嘅不妨一試。
Post
