拳王泰國餐廳 (Closed)

人生第一次用心寫食評，用黎鬧人，我都唔想。星期五諗住輕鬆食個午餐，揀左呢間泰國餐廳，十二點四十五分入座，一坐低叫左兩個豬手飯，等到一點半黎左一個青木瓜沙律，一點四十五分黎一個豬手飯，兩點先黎齊。食物黎齊用左超過一小時，可能心情影響味覺，完全唔覺好食。我諗幾好食既食物都唔值等咁耐。催完又催，差啲拍枱咁濟，餐廳完全冇能力管理客人訂單，成間餐廳有一半客都係咁催，侍應得兩個，完全唔識跟單，廚房唔知做咩勁慢。今次係人生食午飯最嬲既一次，呢間餐廳請都一定唔會再幫襯。