拳王泰國餐廳 (Closed)

有一個frd子特別迷戀泰國菜已經候住呢間餐廳好耐咖啦 終於有一次食到兩個人食唔得多野只哎左一個沙律一個青咖喱雞再加一個padthai(唔記得影)其實味道嚟講都唔錯嘅首先講下個青咖喱先啦有時候呢啲好容易就甜得制或者喺椰奶落多左搞到成件事好稀呢碟就所有野適中 鐘意佢唔會甜死人少少咸多多趣 食材方面好鐘意佢加木耳 沾上咖喱汁的爽口木耳送飯真係一流不過最好就再多少少茄子呢最好哈哈另外一個就喺粉絲肉碎沙律酸汁加上微微嘅辣味撈埋啲粉絲送入口真係超級正呀可惜就喺...可惜就係!!!佢等我地食完啲澱粉先嚟呢味送 呢到真心sad如果唔喺嘅話一定喺超級開胃而且啲肉碎都好好味所以嚟講其實都okay嘅

Definitely not here for authentic Thai food. Poor customer service - I got ignored for a few times. Tables are all packed together. No much personal space. It is quite an expensive place to go.But, they spent a lot on decoration and stuff and I think they play boxing games on TV. Not sure if they are live tho. If you like boxing and wanna sit on a boxing chair for food, enjoy lol

同朋友經過呢條街搵嘢食，見到呢間泰國餐廳幾特別喎！入面擺滿拳賽嘅裝飾，於是乎入去試吓。裝修都好靚，而且樓上仲有一間日式餐廳，個Menu可以一齊叫嘅，但係泰國餐既menu已經好豐富，下次要黎主要食個日式menu先。我哋叫咗一客生蝦刺身，生蝦新鮮而且醬汁都調校得好好，辣味十足，配菜亦都好新鮮！蝦夠彈牙爽口，正啊！另外叫咗一個蒜蓉大蝦，無論生同熟既蝦都好好味喎！係大蝦都有好多蝦膏啊。然後再叫咗一個砂鍋翅，真係用一個砂鍋上嘅！湯底好夠熱，食到一條條翅，都幾足料。食泰國野一定必叫既飛天通菜！夠哂惹味！最後同朋一人叫左一杯lemon squash, 食完正輪辣野要飲返啲冰涼野清下熱先！最後埋單都唔洗$300一位，抵啦！

一個人食乜好？行行下黎到呢條街，見餐廳門口咁特別就入黎試下先。 餐廳裝修極盡心思，所有櫈都好靚，一張張單人黑色沙發，而且椅背都有擋台的鐵鏈，一入餐廳已感受到擂台的氣氛！而且還放滿關於拳擊選手的衣物，poster，拳手的物品，餐廳中心還有兩個電視，兩邊都可以看到拳賽！本身我都不太愛好看拳賽，覺得好暴力。但係都有被餐廳內的螢光幕吸引去觀看，女拳手很努力的在打拳賽，雖然身付重傷，仍然堅持再走上擋台繼續作戰，深深體會到那份體育精神！好啦講返嘢食先，睇Menu已經覺得餐廳主人應該是拳賽的發燒友！Menu的題目全部跟拳賽有關。我點了一個青咖喱雞配蒜蓉包另外還有椰青。椰青好新鮮。 青咖哩椰汁味濃，適合想食咖哩又怕辣既朋友。 埋單都係$200內。銅鑼灣區又坐得舒服既地方都算合理啦！ 樓上仲有日式餐廳，下次試下先。

同朋友食生日飯，想食泰國菜，見呢間拳王泰國菜好似幾有特色，一試。蝦片$10有蝦味又夠脆，平靚正。拼盤有蝦餅，魚餅，蝦卷，雞翼，春卷。真係估你唔到咁大碟，份量夠3-4人食。至愛蝦餅同魚餅，yummy👍芋頭海鮮飯沒有很泰式的感覺，感覺似.....福建炒飯..... 🤔鍋底有飯蕉，但好硬，味道同賣相都非常一般。燒蝦$88一隻，蒜蓉味加上燒香0既蝦膏味，滲晒入d蝦肉度，好味呀。一人一隻，大滿足。總體而言，環境同食物都唔錯，滿意😋

是日男朋友生日，去完海馬公園就去銅鑼灣食飯，本來打算食放題，不過因為唔肚餓所以放棄。起地鐵C出口行左一陣見到呢間泰國菜好似幾有特色，係關於打拳(後來發覺銅鑼灣都幾多拳鋪)，而且可以點埋另一間叫原道燒場的食物，一於試一試。入面好多擺設都係關於打拳，連入面電視都係播緊拳賽。我懷疑老闆本身係咪開拳館？🤔入座即上脆卜卜蝦片一碟。好快就上第一味餸，牛香脷👅 。燒完唔會好乾，可以選辣度，我地點小辣都幾辣下，其實原味都應該夠好食。燒豬頸肉，份量都幾多，醃得入味，再點上微辣的泰式汁真係絶配。原個菠蘿炒飯有好多海鮮鋪面，青口，魷魚，蝦，帶子，再加上肉鬆同腰果。飯底炒得唔濕，份量都唔少，每人都添左兩三次先食完。最後係上燒大蝦，加上蒜蓉醬燒到幾香，雖然唔算大隻，但好多蝦膏，唔使點汁已經夠味。

有一天晚上大約7pm，我和朋友行經這裡，看見門外的餐牌上的食物很吸引，於是便走進入店內與朋友享用晚餐。在點菜及享用食物期間，發現這裡的職員服務超級差，職員黑口黑面，沒有禮貌，來到的大部分的食物太喊，再者每一款菜都是用同一調味料，沒有用其他調味料作烹調，材料十分單一。另外部分燒物，送到出來都是凍的，同時上菜亦超級奈，店內的環景及坐位比較壓迫，整個晚餐的過程甚不愉快及不太舒適，這次消費只此一次，永不錄用啊。。。

餐廳既裝修以泰拳為主題一碟蝦片做前菜，脆卜卜前菜黎講都算畀得多塊泰式生蝦，冇雪味，夠大隻，肉質爽口個醬汁酸酸味味，微辣好開胃泰式炒金邊粉好夠份量，面頭既蛋網煎到脆，包住啲粉一齊食，好香口又好野味配料又足，花生粒又多，冇怪味有別於其他餐廳的馬拉盞炒通菜，好香口，通菜冇沙，好味唔會炒到菜太淋而莖太硬，所以冇食到痴牙，又冇咬到啲牙好攰炸軟殻蟹好鬆脆，又大隻，配沙律醬一流焗蠔雖然唔係好大隻，但都肥美，唔腥有時唔一定大先好既

每次去到拳皇，必定叫佢既輕量午餐-健美餐.懶懶的我最喜歡健美餐中去皮去骨的海南雞（窮小姐不能吃皮更不愛食骨頭),他的柚子沙律清甜中帶有一點點小辣,十分很開胃. 套餐配一杯茶啡(凍熱同價),健美餐非常適合減肥中嘅人士.餐廳除了泰式午餐,還有日式午餐(不推薦,友人吃過,被給予負評,畢竟是泰式餐廳麻）套餐價錢$58-$68，另加一服務費費

歌名：你是你本身的傳奇主唱：方皓玟 「🎵🎶你是你本身的傳奇 前路裡振翅再高飛 即使不完美 只需經歷你自己」曹星如早前的22連勝激發了我多年想學拳嘅夢想， 雖然一把年紀 ，但總想證明自己仍然鬥志十足，打出自己嘅激情……🔹️星期天，和戰友練完拳，便一起到附近的「拳王泰國餐廳」用膳。讓我驚喜的是這裏的佈置就像一個擂台陣，牆壁和座位都有著各式各樣與打拳有關的素材，甚至電視屏幕播放著拳賽，讓我們血脈沸騰了。「🎶🎵我也想哭　你今天知道嗎 賺到幾多　願放棄自由嗎」少年時也曾學過打拳，只是出來社會做事後，因為各樣原因和藉口，漸漸放下這樣熱血的運動，漸漸失卻了熱情……🔹️餐廳有兩層，地下的這層主打泰國菜，而二樓是另一間餐廳名叫「原燒道場」，主打燒物類，侍應說可以同時叫兩間餐廳的食物，我心想這就是傳說中的「一地兩檢」嗎？〒▽〒「🎶🎵只要相信夢　定能飛 高與低　得與失即使無法躲避」記得一次同師兄對打，拳來拳往，閃避不及，有一下被打中臉，痛到眼淚水都標，雖然痛，但係好enjoy……🥊拳頭大過沙包「肉碎生菜包」肉碎炒得香口，連生菜食更juicy，我鍾意將肉碎包到啱啱好放到落口

呢間餐廳都好出名下，一直想搵機會去試，咁岩朋友又係附近番工，聽講一次過可以點哂日本加泰國菜，very吸引！門面有兩邊一邊係拳王一邊係原燒道場 今次我揀左去日本個邊坐因為佈景好靚， 勁有日本風味。係樓上一轉角就係，睇得出好有心思。場地都十分寬敞，方便聚會。首先叫左煙肉卷小蕃茄，煮得好入味意外地好夾，又因為d番茄味唔會太肥lumlum 日式玉子燒 醬汁都幾好味🤗🤗🤤唔算好滑但係都蠻重蛋味咸meat椰菜苗 呢個一定要叫啦， d菜炒得好香宜且同咸meat好夾 好香口推薦呢個金黃soft shell 🦀 d醬汁好好味 同埋份量十足 好食得黎又唔會太干身 係隔離d菜有d太淡味 我黏番d醬黎食既呢個正阿 蛋包金邊粉！包得好靚個蛋花😍😍哈係講笑一打開真係勁吸引， 呢個金邊粉真係一定要試下調味做得十分好。酸味恰到好處🐷🐷配埋蛋黎食真係好正仲叫左兩隻大頭蝦， 略乾身左d，不過勝在夠新鮮😋都整得好香總體來說都不錯 特別我又想食d日本玉子又想食泰國菜咁矛盾既時候，可以選擇黎呢度😂😂😂係上野食會慢d 但d服務態度都幾好 唔算特別平但勝在有兩種國家既菜式

今日同好姊妹想食泰國嘢，就去咗銅鑼灣，橫街一間泰菜館。一入到去，就有好多泰拳擂台擺設，中間仲有幾部電視機，上演泰拳比賽，幾有 feel 玉子燒得幾好，唔會散開，食落去又有汁串燒有雞肉、豬肉同牛肉。熱辣辣，沙嗲汁又好味海南雞就真心一般⋯ 又唔似泰式，有啲中式 feel，正常味道。蒜蓉炒得好香，菜都幾新鮮，好味四季豆就正常菜一碟，冇咩特別。蛋包比較薄，但撈埋金邊粉幾好味，餸菜又夠多喺OpenRice訂枱，不同時段會有不同折扣，性價比很好

朋友在附近做gym， 每天都會經過這間 以拳擊為主題的餐廳 ，她常常說泰菜很肥 ，我則喜歡取笑她不要這麼 完美得。。可怕 。。。其實吃一餐半餐 美食， 只要 配合番 有足夠的運動量，是不會 把 苦練回來的 腹肌 六神合體的， 反而 大吃一頓 美食後 ，大腦會釋放安多芬， 令你做事更起勁，心情更愉快。終於。。。 我們相約了在1024， 10月24日，一個 陽光普照 的下午， 一嘗拳王 午膳 對決。常常聽別人說這間餐廳頗貴， 但是其實它在星期一至五， 是有 特價午餐的， 才68元 一個set， 還包一杯飲品 。在這個百物騰貴的年代， 而且是在銅鑼灣 ，這個價錢 ，配這樣的環境 和美食， 真是十分超值。餐廳的裝修十分特別， 一進門即可見到一個大沙包， 可以邊 午膳 邊練拳， 自得其樂 。。。正。看看明星名人的留影 也是 在等食 時 消磨時間的好方法。。。 你看 女殺手 惠英紅都嚟咗啦！型仔拳擊 短褲 。。。等我食完 都過隔離FCC拳館 買番條， 扮曹星星。哇哇 。。。連廁所門口 都有kawaii美女跟小鮮肉拳王二人組在迎賓， 但請留意 不要入錯廁所。Pad thai 套餐 的金邊粉炒得 很不

一開始要落單已有困難因爲根本無人，千辛萬苦等到人黎落單，等了三四個字就黎左個生蝦之後等多三個字黎飲品，一路都無再有菜上，而旁邊遲我半小時入坐的一枱已經上到成枱餸但我等了一個小時已再三催促，最後竟然再問我有咩未到，餐廳嚴重人手不足，全部唔知去哂邊，企喺度嘅竟然話唔係喺度做！仲要我講解叫左咩菜？但之前又話幫我跟進左，要敷衍我都要有個泡，我未試過噤差服務嘅餐廳，人手少得可憐而員工又成日唔知行左去邊，我見到有人叫一支啤酒足足攪左二十分鐘先飲到

香港拳王曹星如衛冕世界拳擊組織（WBO）冠軍的歷史性一刻，身為香港人當然要賀一賀下。知道銅鑼灣有一間泰國菜是以拳王做賣點，我們當然要趁這塲拳王風去幫襯下。一進入餐廳猶如置身在拳館，周圍的怖置都與拳手離不開的物品，有金腰帶、拳套、拳褲⋯⋯很令人莫名奇妙興奮。柚子蝦沙律 $78前菜之選。柚子很當造，配上中度辛辣，很有層次，很開胃。菠蘿炒飯 $138有很多料，有提子乾、腰果、肉鬆、菠蘿、而腊腸就相對比較多。再加上一些海鮮配搭，帶子、蝦、青口和魷魚，相當特別。馬拉盞炒通菜 $78通菜是必然之選，可以再加多些馬拉盞就好了。最令我們驚喜是可以㨂埋樓上日本野食，一間餐廳食到兩個不同國家的美食，很體貼，所以我們亦不甘後人叫了日式串燒。汁燒秋葵$16 + 雞中翼$50飲品當然唔少得，我們叫了菠蘿沙冰 $38、茘枝沙冰 $38 和椰青 $48。