日喜樓 (Closed)

再次黎到食午餐，日喜樓既午市套餐真係抵食！內部裝修雅緻，坐得舒服。推介一人前午餐，$88起冇加一，任食六款小食，真係好抵食呀！落左order後，店員極快手已經拎左d小食出黎，total六款，係任食嫁！有炆冬瓜、排骨娃娃菜、鎮江肴肉、陳醋木耳、炸饅頭、湯餃子。款款都好味，特別喜歡餃子同木耳，所以encore左。蔥爆牛肉跟白飯 $88鑊氣十足，炒得非常香，牛肉好林又入味，餸唔算大碟，但有咁多小食，一定食飽！XO醬鮮菌海三鮮 $138海三鮮分別係帶子、蝦球、斑塊，樣樣新鮮，用左XO醬炒好香微辣，好食！加$10轉左特調飲品，係蘋果雪梨同甘蔗花茶，好吸引，大杯，蘋果雪梨好飲d!