Video
Read full review
2024-06-24
38 views
餐廳裝潢以黑色做主調，感覺幾優雅，目測可以同時容納十多個客人。午市Omakase 分別有 $598 及 $798 兩款，我地揀咗$598，有前菜、茶碗蒸、3道刺身、2道一品料理及6件壽司。前菜 ＆ 茶碗蒸🥢前菜係自家製腐皮，豆味幾香，面頭有啲蟹肉，配搭酸汁好開胃。刺身🥢岩手縣米崎真蠔，真蠔size幾大隻而且好飽滿，肉質爽脆，味道幾甜，面頭嘅醋啫喱又提提鮮，唔錯。🥢北海道水八爪，海水咸味幾重，吸盤部分好爽口，配搭梅子啫喱酸酸甜甜幾特別。🥢蜜柑鯛，刺身幾厚身，口感彈牙，師傅話鯛魚用蜜柑養殖，所以魚肉會帶微微橙皮香氣。一品料理🥢磯煮鮑魚，係呢度主打之一，鮑魚非常腍滑，師傅話醃漬咗一整晚所以好入味，而鮑魚下面嘅肝醬好綿滑，好食！🥢銀雪魚西京燒，銀雪魚好入味，油脂十足。壽司🥢鮮帆立貝壽司，帆立貝好厚身，而且好鮮甜，面頭灑咗蜆仔炒過嘅鹽令味道多份層次。🥢深海池魚壽司，用網燒帶出煙燻味道，池魚肉質柔軟，口感順滑。🥢中拖羅壽司，顏色好粉紅，油份恰到好處，加上紫蘇葉增添香氣。🥢甜蝦壽司，甜蝦好甘甜，配搭自家製蝦頭膏令味道更鮮味。🥢北海道赤海膽壽司，海膽味道幾濃郁，帶淡淡甜味。🥢右口魚邊手卷，炙燒過嘅右口
午市Omakase 分別有 $598 及 $798 兩款，我地揀咗$598，有前菜、茶碗蒸、3道刺身、2道一品料理及6件壽司。
前菜 ＆ 茶碗蒸
🥢前菜係自家製腐皮，豆味幾香，面頭有啲蟹肉，配搭酸汁好開胃。
刺身
🥢岩手縣米崎真蠔，真蠔size幾大隻而且好飽滿，肉質爽脆，味道幾甜，面頭嘅醋啫喱又提提鮮，唔錯。
🥢北海道水八爪，海水咸味幾重，吸盤部分好爽口，配搭梅子啫喱酸酸甜甜幾特別。
🥢蜜柑鯛，刺身幾厚身，口感彈牙，師傅話鯛魚用蜜柑養殖，所以魚肉會帶微微橙皮香氣。
一品料理
🥢磯煮鮑魚，係呢度主打之一，鮑魚非常腍滑，師傅話醃漬咗一整晚所以好入味，而鮑魚下面嘅肝醬好綿滑，好食！
🥢銀雪魚西京燒，銀雪魚好入味，油脂十足。
壽司
🥢鮮帆立貝壽司，帆立貝好厚身，而且好鮮甜，面頭灑咗蜆仔炒過嘅鹽令味道多份層次。
🥢深海池魚壽司，用網燒帶出煙燻味道，池魚肉質柔軟，口感順滑。
🥢中拖羅壽司，顏色好粉紅，油份恰到好處，加上紫蘇葉增添香氣。
🥢甜蝦壽司，甜蝦好甘甜，配搭自家製蝦頭膏令味道更鮮味。
🥢北海道赤海膽壽司，海膽味道幾濃郁，帶淡淡甜味。
🥢右口魚邊手卷，炙燒過嘅右口魚逼出更多油份，帶點焦香，配上櫻花蝦令味道更濃郁，口感更豐富。
最後仲有昆布湯烏冬及黑蜜厥餅甜品。整體食物質素唔錯，呢個份量對我地剛剛好，個人幾喜歡一品料理部分，想輕鬆體驗下Omakase都唔錯。
Post
