榮興小廚 (Closed)

應恩人上週推介，尋日即刻約埋幾位同事去咗隔離街間「榮興小廚」度飲茶。XO仔一早訂定位，加上靚仔經理十二點半前已經到步，搵位冇難度之餘，賽馬日坐正十八號枱，認真好意頭 ！小肥一點左右到，見升降機前排滿人龍，所以就選擇行上一樓。餐店樓底唔高，午市坐滿客人，啲枱仲要密麻麻，聲浪都頗大，會計小姐話齋，真係冇乜好影，影響到其他客人就唔係咁好啦 ！午市茶錢每位$6，真係唔貴，另收加一服務費。點心價格為：小點$18、中點$23、大點$27、特點$29、頂點$32、廚點$48，十二點九前埋單點心全面八折，假日除外，都好正常。為節省時間，經理哥哥已預先叫好哂食物，當然亦食咁一部份啦 。 蟹子燒賣皇（$29）：燒賣入面個豬肉餡白雪雪，可以話好健康又得，話佢似貧血又得，不過個人都係鍾意有返啲肥豬肉，效果先夠香。 香蒜蝦春卷（$29）：金黃色o既春卷炸得好夠香脆，個蒜蝦餡又夠爽口惹味，係幾款點心中最正o既一味，屬必選推介也 ！ 香煎蘿蔔糕（$23）：蘿蔔糕內藏粗厚o既蘿蔔條，口感確實唔錯，外層煎得都好夠香口，奈何裡面啲臘腸好似午餐肉咁味 ，有啲怪怪地囉。 香酸炸雲吞（$27）：炸雲吞好似變咗