雄館特式小廚 (Closed)

午飯時間，跟朋友去咗渣甸中心覓食，一入到門口，估唔到咁多人，睇黎係唔錯嘅午飯選擇🤔🤔午市特色套餐，選擇都有好幾頁，應有盡有，而且價錢唔算貴喎！已經包咗例湯同埋飲品，仲有唔少靚食材，好似龍躉，黑豚肉，安格斯牛肉，似乎幾高質👍🏼👍🏼環境算係幾乾淨座位唔會太迫，一班人嘅話，仲有大圓枱添例湯清甜，應該冇落味精👍🏼自製菊花水，唔算冰凍，涼浸浸，幾清新，又唔會太甜👍🏼懷舊鴛鴦炒飯賣相靚仔，份量都幾多！醬汁濃稠蕃茄味嗰一邊酸味都幾突出，有一絲絲洋蔥，幾開胃。至於白色個面，有蝦仁、菇🍄如果鹹香味重手少少，相信會更加惹味😎😎籠仔荷葉龍躉蒸飯/蝦米腸第一次食，揀咗蝦米腸做底，非常吸引！龍躉魚件都算幾厚身，唔會太咸，味道唔錯。不過有骨，要小心啲食。魚上面有好香嘅蒜蓉汁，滲晒落啲腸粉度，再加埋啲蔥花，滑溜又惹味👍🏼整體嚟講，感覺唔錯，既然午餐有咁多選擇，下次再試其他款式先🤤🤤