御名園 (Closed)

好耐無同朋友相聚，今日我地約左去天晉匯飲茶，第一次黎呢到，環境寛敞，坐得幾舒服。好肚餓叫左好多嘢食，估唔到樣樣都唔錯。原籠古法馬拉糕鬆軟，回彈力高，好香，唔會太甜。香煎臘味蘿蔔糕煎得外脆內軟，啖啖蘿蔔絲，唔會好多粉。避風塘茄子呢個好得意，切到細細條，炸漿薄身，包住嫩滑多汁嘅茄子，加左避風塘汁好惹味。黑豚叉燒瀨粉叉燒肥瘦適中，燒得好香，肉味濃郁，瀨粉滑。百合貓耳炒勝瓜貓耳爽口，勝瓜多汁，健康菜。雪燕焦糖燉蛋蛋香味濃，燉蛋好滑，加上焦糖脆卜卜，好味。