京都大酒樓

Open Now

Now Closed

今日陪家人去黃大仙廟，拜完去地鐵站附近京都大酒樓飲茶，酒樓好大，多枱，我哋星期六12:00到達，好彩唔駛等位。2個人叫咗5籠點心，慢慢坐下傾吓計。香荽牛肉腸粉腸粉皮薄，腸粉好滑好爽口，滑嘟嘟，筷子夾著都會跣走。裏面牛肉幾香芫荽，配合腸粉甜豉油味道不俗，如果再多啲牛肉就好了。鮮蝦菜苗餃大大隻，晶瑩剔透，一口咬下，點心皮口感爽身不黏口，可以再薄皮啲，蝦同菜既比例適當，蒜香味很好吃。鮮蝦腐皮卷腐皮煎得香脆，唔太油，每條卷食落蝦份量足，爽口彈牙，配合其他配料如紅蘿蔔絲及芹菜，口感爽口。蜜汁叉燒包拎上手熱辣辣，包皮幾簿，我鍾意入面夠多叉燒同醬汁，而且叉燒粒唔肥。鮮竹卷入面既料有豬肉椰菜及木耳，都清爽，腐皮吸入個汁一齊食，都幾好味。整體來講，點心全部熱辣辣味道唔錯，侍應服務態度都唔錯，反應好快。