Video
Read full review
2023-04-25
1001 views
[ 極尚大喜屋 ]放假約咗朋友去觀塘行街，去咗APM隔離鱷魚恤中心食日式🇯🇵放題，星期一至五lunch任飲任食3小時先$238，超抵食！✿ 午市放題12-3pm 平日$238海鮮冷盤、小食、沙律以上三類食物放係自助區，其他都係手機落單。海鮮冷盤有海蝦🦐、蜆，refill得好快；小食除咗有日式中華沙律、帶子裙邊，仲有較特別嘅藤椒魚皮、泰式鳳爪等。刺身🐠🍤🐚有十多款刺身選擇。三文魚、油甘魚好厚切，油脂豐富；蝦類有赤蝦、甜蝦、泰式虎蝦，款款都無腥味👍🏻；貝類有原隻粒貝、北海道帶子、北寄貝等，其中原隻粒貝口感爽脆，幾特別。壽司、手卷 🍣有接近三十款壽司及手卷任點任食，款式拍得住壽司店。當中創作壽司有昆布鵝肝塔、海膽山等，鵝肝入口即化無咩羶味；火炙壽司🔥有火炙鰻魚、七味芝士蒜蓉大蝦等，件件火喉都啱啱好。🤤炸物、天婦羅每次嚟食放題炸物都會必點芝麻雞翼🐥&榴槤炸彈，香口兼邪惡😍😍；天婦羅有蝦、蟹棒、甜蕃薯&溫室南瓜，但太多野食最後無試到。🥹串燒、燒物 🍢🍖燒香草羊鞍🐑、鹽燒牛舌🐮👅肉質軟腍，肉味濃郁；燒菠蘿🍍好香甜，解膩一流；海鮮🐟🐙燒物有蒲燒鰻魚、蒜蓉粉絲蒸扇貝，每款按人頭份量，唔怕食太多塞爆個肚
放假約咗朋友去觀塘行街，去咗APM隔離鱷魚恤中心食日式🇯🇵放題，星期一至五lunch任飲任食3小時先$238，超抵食！
✿ 午市放題12-3pm 平日$238
海鮮冷盤、小食、沙律
以上三類食物放係自助區，其他都係手機落單。海鮮冷盤有海蝦🦐、蜆，refill得好快；小食除咗有日式中華沙律、帶子裙邊，仲有較特別嘅藤椒魚皮、泰式鳳爪等。
刺身🐠🍤🐚
有十多款刺身選擇。三文魚、油甘魚好厚切，油脂豐富；蝦類有赤蝦、甜蝦、泰式虎蝦，款款都無腥味👍🏻；貝類有原隻粒貝、北海道帶子、北寄貝等，其中原隻粒貝口感爽脆，幾特別。
壽司、手卷 🍣
有接近三十款壽司及手卷任點任食，款式拍得住壽司店。當中創作壽司有昆布鵝肝塔、海膽山等，鵝肝入口即化無咩羶味；火炙壽司🔥有火炙鰻魚、七味芝士蒜蓉大蝦等，件件火喉都啱啱好。🤤
炸物、天婦羅
每次嚟食放題炸物都會必點芝麻雞翼🐥&榴槤炸彈，香口兼邪惡😍😍；天婦羅有蝦、蟹棒、甜蕃薯&溫室南瓜，但太多野食最後無試到。🥹
串燒、燒物 🍢🍖
燒香草羊鞍🐑、鹽燒牛舌🐮👅肉質軟腍，肉味濃郁；燒菠蘿🍍好香甜，解膩一流；海鮮🐟🐙燒物有蒲燒鰻魚、蒜蓉粉絲蒸扇貝，每款按人頭份量，唔怕食太多塞爆個肚。👍🏻
一品料理、煮物
雖然放題主打日式料理，但呢度嘅中式小菜質素拍得住出面。燒乳鴿、醉鮑魚、避風塘魷魚鬚都係推薦之選。想暖胃可以食返碗鮑魚雞粥，或者熱拉麵/熱湯烏冬。🍜
飲品 🧃🍺
全部都係自助區無限任攞任飲。非酒精飲品有冷/暖飲品，包括自家製冷泡茶、包裝茶類、汽水等；而酒精類飲品有啤酒、清酒、梅酒。
甜品 🍨🍮
自助區任攞任食Häagen-Dazs雪糕、雪條、自製軟雪糕、爆谷等等。
總結🫦
相信好多人都食過大喜屋日式放題，食物種類繁多，平日食足3小時先$238，性價比高。而觀塘店係APM隔離，位置方便 ，面積夠大食得舒服。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
極尚大喜屋
地址：觀塘開源道79號鱷魚恤中心3樓
電話：3622 2761/ 3622 2771
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
