南小館 (Closed)

葵芳新都會裝修之後多左好多新餐廳，南小館都係呢度開左分店。不過佢唔同分店既質素真係爭好遠，好似hysan個間就唔錯，而以前朗豪坊分店真係十分麻麻，所以今次食晏就黎試下新都會呢度啦。- 炸銀絲卷新鮮熱辣炸起，點埋煉奶就一定好食。- 金鍋生煎鍋貼呢度既鍋貼有湯汁架，外脆內軟，幾好食，不過小心盪口。- 風沙小黃魚雖然佢炸到外表好香脆，入面既肉都唔算太乾。不過佢一叫就兩條，要多幾個人黎先食到。- 薺菜炒年糕呢個炒年糕清清地幾好食，唔會好似上海炒年糕咁咸。但其實薺菜係咩？食完成個咀同牙都痴滿佢，好頑強，見客前唔好食啦。 😂😂- 大良炒飯最後呢個炒飯好圓滿，佢用左咸蛋黃同蝦仁去炒，咸咸地又好香，粒粒分明唔會太油。其實以連鎖店黎講，南小館既質素真係唔錯啦。葵芳店都算幾大，等位應該唔難，得閒可以再黎。