川霸王 (Closed)

「午間的酸菜魚水煮牛肉」今日經過觀塘工廠區，除咗人多車多之外，原來都有好多餐廳。今日試吓呢一間主打酸菜水煮嘅「川霸王」。叫咗個霸王粉麵，碗麵有好多料，包括：鴨血、鮮牛肉、油麥菜、薯粉、紅油抄手、雞絲粉皮同埋四季春嘅冷茶。唔係好食得辣嘅我只係帶咗BB辣，個人覺得可以再辣啲，下次可能我會試吓小辣。講返食物方面，份量好足料，湯底令我滿意嘅，但係最好食嘅就係紅油抄手，可能太飽關係，雞絲粉皮要拎返屋企慢慢食。