Video
Read full review
2021-11-14
3562 views
對上一次到訪海景嘉福酒店，已經要算到當年為母親辦的壽宴，當時由梁師傅代為擬定菜單，令母親大感滿意。今次掹衫尾同朋友食Lunch，改試下另一間同樣出色的意大利餐廳 Theo Mistral。講到Set Lunch，真係相當抵食，除了近門口位大大張 Theo's Antipasti Table 任食意大利 Starter 外，又可以選擇牛肝菌蘑菇黑松露忌廉湯。主菜更是有Risotto、Linguine、黑鱈魚、美國肉眼及自選Pizza可供選擇。再加上精選甜品及Espresso，3個Course連加一都係$400多少少，個人覺得性價比好高，不過今次就轉食 a la carte menu。餐前先來一杯清爽的 Ferrari，清清味蕾，聽聽專業侍酒師推介意大利酒，增長知識。近月餐廳來了批超正白松露，放置在密封玻璃器皿內，一揭開蓋，即時散發白松露獨有幽香，最過份係$90/g，係咪好離譜呢？AntipastiTaleggio E Tartufo Bianco（$388）超邪惡又吸引，濃郁的芝士香氣瀰漫，質感滑溜，即時刨上Alba 白松露，那朕來自大自然的幽香，可以話無得輸的組合，非食不可。Insal
對上一次到訪海景嘉福酒店，已經要算到當年為母親辦的壽宴，當時由梁師傅代為擬定菜單，令母親大感滿意。
今次掹衫尾同朋友食Lunch，改試下另一間同樣出色的意大利餐廳 Theo Mistral。
講到Set Lunch，真係相當抵食，除了近門口位大大張 Theo's Antipasti Table 任食意大利 Starter 外，又可以選擇牛肝菌蘑菇黑松露忌廉湯。主菜更是有Risotto、Linguine、黑鱈魚、美國肉眼及自選Pizza可供選擇。
再加上精選甜品及Espresso，3個Course連加一都係$400多少少，個人覺得性價比好高，不過今次就轉食 a la carte menu。
餐前先來一杯清爽的 Ferrari，清清味蕾，聽聽專業侍酒師推介意大利酒，增長知識。
近月餐廳來了批超正白松露，放置在密封玻璃器皿內，一揭開蓋，即時散發白松露獨有幽香，最過份係$90/g，係咪好離譜呢？Antipasti
Taleggio E Tartufo Bianco（$388）超邪惡又吸引，濃郁的芝士香氣瀰漫，質感滑溜，即時刨上Alba 白松露，那朕來自大自然的幽香，可以話無得輸的組合，非食不可。
Insalata Di Granchio E Aragosta（$358）新鮮波士頓龍蝦以及蟹肉加入佛羅倫斯茴香，放上火箭菜以及置底的雅枝竹，每口都是新鮮而澎湃的龍蝦肉及蟹肉，口感清新怡人，甜美可口，超正。
Pasta
Cappelletti Di OCA（$288）
意大利雲吞同樣表現出色，餡料是慢煮鵝肉、Lardo 及 parmesan，雲吞皮有嚼口我鍾意，沾上了牛肝菌及雞油菌菇醬汁，就更加惹味。
Taglierini Cacio（$388）自家製Taglierini麵條，用上36個月的parmesan芝士以及 Roman pecorino cheese，加入少許黑胡椒，用辛香來平衡口感，吃之前再刨上 Alba white truffle，每條麵條都掛上芝士，濃郁的味道令人一試難忘，更何況有白松露的加持，又係無得輸。
Antipasti的完美表現，已經有令人有驚豔的感覺，再來的主菜又如何呢？
雖然午餐性價比高又吸引，但一場來到，當然要試試心儀已久的烤澳洲羊架（$428）。
羊架外層撲上芥末、香草及麵包屑再烤，置底是黑松露薯蓉，伴碟是bb韭蔥、西蘭花苗及迷你甘筍。很欣賞羊架上檯時，碟子是保持溫度，羊架烤至半熟，肉質呈亮麗的嫣紅色，嫩滑而有嚼口，非常誘人，再刨上白松露片，熱力把氣味逼出，即時香氣四溢，技術性地擊倒我的味蕾。
再呷一口由專業Sommelier推介的 Folonari Valpolicella Ripasso Classico Superiore 2014，感覺複雜，丹寧中度好啱我。
同行朋友則選了美國肉眼（$588/350g）配以一枝 Langhe Nebbiolo DOC 2019 Poderi Luigi Einaudi，少許辛勁正好配搭味道濃郁的紅肉。Dessert
Semifreddo Al Pistacchio（$98）
壓軸同樣精彩的甜品，呈半凝結狀的開心果慕絲，置底是榛子餅乾，四周伴以雲呢拿醬汁，再灑上朱古力片，簡單亮麗，凍食下刨上白松露片，又是另一種滋味。
學朋友話齋，明明諗住係一餐好普通既午飯，點知變成了 Fine Dining，這個中午真美好！
Post
