老爺點心 (Closed)

今次黎到老爺點心係食晚餐，晚餐menu 有啲唔同，無點心，但有串燒野同刺身。我個人覺得以老爺點心嘅格局係應該食中式野，港式野。所以，我地兩個人就點咗炭裏香同暗然銷魂飯。炭裏香係必食嘅野。咸水角嘅甘荀皮甜甜地，外皮脆內皮韌，好得意。下面係有竹炭包嘅排骨，實肉口感，仲有肉汁唔會太乾。兩樣配合埋一齊，好難忘嘅美食。暗然銷魂飯，即係食神嘅叉燒煎蛋飯。當然唔只瘦叉燒加煎蛋咁普通啦，個飯底係炒過仲有香菇，成件事係有誠意。午餐又老爺，晚餐又老爺，因為老爺嘅食物係精緻而美味。不過，今次夜晚黎，人客實在唔多，希望可以多啲人認識，等佢可以維持落去啦。