EL CID西班牙餐廳 (Closed)

上個星期同朋友喺尖沙咀搵到呢間西班牙餐廳食午餐，成個環境好異國風情，食物質素都唔錯！🇪🇸🇪🇸🍴西班牙風腸及雞肉焗飯伴蒜片炸雞扒 $120🐓炸雞扒好香蒜味，出邊炸得香脆之餘雞肉仍然好多汁，好出色！焗飯有蕃茄香，做得乾身，入面有唔少正宗西班牙風腸，味道特別。午餐亦都配有沙律同埋餐湯，每份都有一件多士，餐湯係西蘭花湯比較少見，沙律🥙好新鮮。🍴香煎是日鮮魚魚柳 $90🐟煎魚柳好重牛油香，而且醬汁入面亦有墨西哥辣椒粒，可以中和醬汁嘅牛油味，魚肉好嫩滑，份量都唔少㗎！伴菜有薯條同蔬菜，幾有心思。