Video
Read full review
2005-04-15
20 views
同舊同事聚舊，因其中一位大力推薦呢度，就黎左一試。星期六收工後，趕黎，行左三層樓梯，迎面係一道白色o既木門，冇大大個招牌，感覺好住家。入到去係一個細細的單位，裝修簡單整潔。一點半左右，幾張檯都坐滿了，睇黎都有一定的捧場客。同事負責訂檯，四個人居然都可以霸左一間可坐六人o既房仔，有privacy，幾好。坐底一睇，三位舊同事已經食左一round頭盤o既沙律，正摸住個肚等我。呢度o既set lunch包括自助沙律吧一round、湯、三選一的主菜以及二選一的甜品。沙律吧有幾款沙律，包括咖哩薯仔、紅洋蔥牛柳絲以及各類生菜、車厘茄同粟米粒，醬汁則有法式橄欖油醋汁同千島醬。兩款沙律o既味道都唔錯，咖哩薯仔沙律當然唔辣，但調味幾適中，不過食落似日式沙律多D；紅洋蔥牛柳絲沙律用o既係靚牛肉，紅洋蔥亦好鮮甜，撈左少少陳醋同黑椒碎，唔錯！生菜方面，輪到我時已得番D水尾，所以只夾左D車厘茄，至於栗米，睇得出係罐頭貨色，即時聯想倒pizza hut沙律吧，哈哈！個麵包就好唔掂，係凍左o既蒜茸多士﹝據早黎o既同事講，上檯時都唔係熱的了﹞，見倒都唔會放入口。個湯係雜菜湯，用細細個o既咖啡/茶杯裝住，幾的式，味道只係
呢度o既set lunch包括自助沙律吧一round、湯、三選一的主菜以及二選一的甜品。沙律吧有幾款沙律，包括咖哩薯仔、紅洋蔥牛柳絲以及各類生菜、車厘茄同粟米粒，醬汁則有法式橄欖油醋汁同千島醬。兩款沙律o既味道都唔錯，咖哩薯仔沙律當然唔辣，但調味幾適中，不過食落似日式沙律多D；紅洋蔥牛柳絲沙律用o既係靚牛肉，紅洋蔥亦好鮮甜，撈左少少陳醋同黑椒碎，唔錯！生菜方面，輪到我時已得番D水尾，所以只夾左D車厘茄，至於栗米，睇得出係罐頭貨色，即時聯想倒pizza hut沙律吧，哈哈！個麵包就好唔掂，係凍左o既蒜茸多士﹝據早黎o既同事講，上檯時都唔係熱的了﹞，見倒都唔會放入口。個湯係雜菜湯，用細細個o既咖啡/茶杯裝住，幾的式，味道只係普通。
主菜有三款，包括魔鬼魚扒、白汁磨蘑意粉同鵝肝汁煎牛扒，兩位女士選左魚、男士要左意粉，咁我就即管試下侍應小姐推薦o既牛扒啦！牛扒果然唔錯，要medium rare就真係俾倒medium rare，食得出係新鮮o既tenderloin，個汁亦有鵝肝o既味道，配上翠綠而甜脆o既法國長豆，果然冇介紹錯。都試左幾口其他o既主菜，魔鬼魚扒o既味道有少少怪，但肉質好嫩滑，都OK;個意粉o既用料雖然好普通，但味道真係好好，煮得軟硬適中(al dente)，個汁亦非常香濃美味，不過食落都有少少「漏」。
甜品係panna cotta同白提子芝士蛋糕，兩位女士都要左panna cotta，男士同怕奶o既我就要左白提子芝士蛋糕。據聞個panna cotta非常軟滑，配上鮮藍莓醬，賣相都好好。我個芝士蛋糕味道幾清，不過就食唔出有白提味了。臨尾飲埋杯水準普通o既咖啡，大家傾傾講講，都成三點幾至走呢！
整體而言，呢度食物質素都唔錯，但以午餐o既餐牌而言，就睇/食唔出係法國菜囉！
Post