Video
Read full review
2017-09-06
1136 views
餐廳雖然叫做「大排檔」，但環境真係好舒適，帶少少懷舊Feel，遠遠高於大排檔級數。西餐當然有，性價比就遠超「大排檔」。午餐最貴都係百幾蚊，包湯、多士、主菜同餐飲。餐牌背面有下午茶餐，睇中左個「大排檔勁秋雜扒」，可惜兩點半先供應，下次再黎食。最終叫左兩個午餐，餐湯 - 黑毛豬甘筍湯，唔鍾意食甘筍既朋友都大口大口咁飲，證明堅係掂!入面有粒粒黑毛豬肉。蒜蓉包 - 夠熱夠香脆。香燒原條鮮多寶魚$138 - 條魚好大，第一次食燒多寶魚，又幾好食喎。底、面都有魚肉，無細魚骨，啖啖白肉，感覺健康。魚肉無腥味，雪白夠彈牙。馳名西班牙橡果級別黑毛豬$138，因為黑毛豬日常主要糧食係橡果，而級別係根據豬隻吃橡果的時段來規定，分為三個等級，當中最高級就係橡果級別。據講肉質因而滲有陣陣的橡果香氣，橡果香氣我就食唔出，但肉質真係特別柔軟嫩滑，味道亦特別豐富有層次。要一讚既係︰配菜係烤蕃茄同紅豆蕃薯泥，蕃薯泥粗纖維，加入紅豆，豆味幾香，做得好有心思。餐飲 - 即磨咖啡好香濃。要一提既係午餐選配夠彈性，沙律、甜品、紅白餐酒 、海鮮拼盤任君選擇。沙律加$25 - 咖喱菠蘿雞肉沙律 ，叫左一份Share。菠蘿係新鮮菠蘿
午餐最貴都係百幾蚊，包湯、多士、主菜同餐飲。
餐牌背面有下午茶餐，睇中左個「大排檔勁秋雜扒」，可惜兩點半先供應，下次再黎食。
最終叫左兩個午餐，餐湯 - 黑毛豬甘筍湯，唔鍾意食甘筍既朋友都大口大口咁飲，證明堅係掂!
入面有粒粒黑毛豬肉。
蒜蓉包 - 夠熱夠香脆。
香燒原條鮮多寶魚$138 - 條魚好大，第一次食燒多寶魚，又幾好食喎。底、面都有魚肉，無細魚骨，啖啖白肉，感覺健康。
魚肉無腥味，雪白夠彈牙。
馳名西班牙橡果級別黑毛豬$138，因為黑毛豬日常主要糧食係橡果，而級別係根據豬隻吃橡果的時段來規定，分為三個等級，當中最高級就係橡果級別。據講肉質因而滲有陣陣的橡果香氣，橡果香氣我就食唔出，但肉質真係特別柔軟嫩滑，味道亦特別豐富有層次。
要一讚既係︰配菜係烤蕃茄同紅豆蕃薯泥，蕃薯泥粗纖維，加入紅豆，豆味幾香，做得好有心思。
餐飲 - 即磨咖啡好香濃。
要一提既係午餐選配夠彈性，沙律、甜品、紅白餐酒 、海鮮拼盤任君選擇。
沙律加$25 - 咖喱菠蘿雞肉沙律 ，叫左一份Share。菠蘿係新鮮菠蘿，好甜，仲加左荔枝味爆珠，另外之前都未食過咖哩雞肉加入沙律，幾特別。
紅白餐酒 每杯加$28，今日唔想飲酒就冇加到。海鮮拼盤 加$55，加左兩份，生蠔、鮑魚、日本帶子、鮮蝦、聖子刺身，自己買都唔止呢個價，新鮮抵食。
磯煮鮑魚口感彈牙，份外鮮甜。
蜜糖麵豉汁配搭日本帶子刺身，層次更豐富，比單單帶子刺身好食好多。
聖子非常爽口。
是日甜品 加$18，焦糖燉蛋，又加左一客兩個人share，都好大份量! 食落香滑，蛋味濃，面層焦糖好脆，係即叫即燒。
質地非常幼滑。
銅鑼灣區，午餐做到咁抵食，選配又夠彈性，正呀!
Post
