Video
Read full review
2022-07-27
780 views
繼續我哋既大角嘴午餐遊，見咁耐無寫食評，其實係因為化骨龍博主被化骨龍太投訴要減肥減磅。咁都係既，大熱天時，熱到連行街都身水身汗，咪食少啲，食精啲囉。《雞仔》其實開左好鬼耐架喇；不嬲都係我吾想唸午餐食乜嘢既時候，隻腳自動行去報到既地方。點解？平！$55 一碟鷄飯配有保證質素既三色醬！ 仲送椰子雞湯潻！ 靚！海南鷄走骨大件，有胸有翼好彩嗰日師父仲配隻雞槌過你！海南雞極滑入口，再聞吓啲油飯香，然後再一啖送入口。嘩。。呢個配搭算係減肥中既我每天既慰籍。。正！除咗雞，好友既炭燒豬頸肉直頭大份到我嘩左出聲。比雞飯貴一蚊，豬頸肉爽！香！又大份！我個人冇食，不過好友直頭話係肚餓之選！值得一提，服務員口罩小姐又後生又有求必應。要水有水，加醬又ok ; 好友加飯又冇問題；又見忙住清枱兼上菜，見佢忙到團團轉都咁幫手，都讚下嘅。總結： $55 好味走骨啖啖肉。送埋湯。其實幾抵！
《雞仔》其實開左好鬼耐架喇；不嬲都係我吾想唸午餐食乜嘢既時候，隻腳自動行去報到既地方。點解？
平！$55 一碟鷄飯配有保證質素既三色醬！ 仲送椰子雞湯潻！
靚！海南鷄走骨大件，有胸有翼好彩嗰日師父仲配隻雞槌過你！海南雞極滑入口，再聞吓啲油飯香，然後再一啖送入口。
嘩。。呢個配搭算係減肥中既我每天既慰籍。。
正！除咗雞，好友既炭燒豬頸肉直頭大份到我嘩左出聲。比雞飯貴一蚊，豬頸肉爽！香！又大份！我個人冇食，不過好友直頭話係肚餓之選！
值得一提，服務員口罩小姐又後生又有求必應。要水有水，加醬又ok ; 好友加飯又冇問題；又見忙住清枱兼上菜，見佢忙到團團轉都咁幫手，都讚下嘅。
總結： $55 好味走骨啖啖肉。送埋湯。其實幾抵！
Post
