木船 (Closed)

每日到午餐時間選擇困難症就會發作，今日就選咗間每朝返工都會經過的東南亞菜式餐廳～木船。佢的環境設計到同佢個名一樣，客人好似坐係船上食飯一樣,每張枱的間格唔算闊，走廊位置有d 窄。佢主打東南亞菜式，海南雞飯，生牛肉湯河，肉碎伴飯果d 都有得食，我就叫咗碗生牛肉湯河，傳統東南亞菜都會落好多糖去煮，所以會好甜，而我又麻麻地甜，但木船的甜度適中，可接受我地仲叫咗個小食～炸春卷，又平又好味，跟餐叫10蚊有3條，唔係得炸粉果種，都幾多料。價錢又平又大碗，仲要唔洗加一，不過佢的冷氣有d 細，同埋湯麵得河粉和金邊粉選，無檬粉，如果有埋檬粉就正。