Coedo Taproom (Fashion Walk) (Closed)

今日同相識逾十載嘅同事一齊食飯，因為佢長駐大陸所以平時都冇乜機會好好傾計，今日就嚟咗呢間靜靜地嘅餐廳食飯暢談。間餐廳西式得來又日式，除咗戶外嘅枱，裏面大多數係高櫈，好有bar嘅格調。每人叫咗個set lunch，我揀咗三色便當（ $108 ），分量非常多， 十分驚喜，有炙燒三文魚沙律、生薑燒豚肉同埋鹽燒鯖魚，鯖魚有兩大塊、三文魚有三舊，個底仲有沙律，而豚肉亦都好多，如果係稍為細食嘅女仔應該可以兩個人食，整體味道都好唔錯，尤其是個三文魚，炙燒唔會完全熟晒，質感係生與熟之間，仲有些蟹子喺面，好味！同事食個鰻魚石鍋飯（$118 ），見到都好大份，鰻魚汁好香。跟餐其實有麵豉湯同飲品，飲品仲可以加$10轉呢度嘅特色手工啤酒，我哋又膽粗粗走去試吓。其實我本身唔係好識飲啤酒，侍應推薦左「紅赤」，佢話係比較易入口，的確開頭飲嘅時候都覺得幾易入口，又凍又多泡，都唔錯，不過始終會有啲啤酒嘅澀味，所以我都唔飲得多。最開心係呢度有串燒食，試咗幾款廚師推介，包括牛脷串配阿根廷酸醬（ $50 ）、安格斯牛肉肉眼配COEDO漆黑醬（ $80 ）、雞中翼（$42）及鰻魚串（ $48 ）。牛脷酥都幾爽，阿根廷酸醬唔算好