Video
Read full review
2019-10-17
141 views
今日放工好肚餓，心大心細食咩好？見到呢間叫喇沙就入去睇下。原來已經夠下午茶時間 ，睇咗一陣餐牌最後決定都係食午餐A 炸雞髀蛋飯 配咖哩汁。個賣相好靚：- 咖哩汁加咗啲好似椰汁嘅白色汁- 炸雞髀有一 塊生菜墊底個咖哩汁：對於我唔食得 辣嘅朋友嚟講有啲辣， 好彩有跟嘢飲 ，一邊食飯要一邊飲嘢 。但係如果你食得辣個咖哩汁好味，好香咖哩味 ，而椰香味唔算太重， 只係個汁已經夠你送飯。到隻雞髀 ：食得出冇落粉炸，而個皮相當脆身，睇個底略嫌炸得黑咗啲 ，總括嚟講 都可以 再嚟幫襯。服務方面：我都覺得可以。但就係奇怪，唔係枱枱有紙巾盒，咁啱今日食炸髀，食到成手都係油，仲要自己摷袋拎紙巾就好唔方便 。食食下 隔離枱太太走 仲好大聲話都冇人招呼嘅？或者咁啱 佢哋嘅時候比較忙啦，我自己就覺得都可以,搵個機會下次再嚟食過！
見到呢間叫喇沙就入去睇下。
原來已經夠下午茶時間 ，睇咗一陣餐牌最後決定都係食午餐A 炸雞髀蛋飯 配咖哩汁。
個賣相好靚：
- 咖哩汁加咗啲好似椰汁嘅白色汁
- 炸雞髀有一 塊生菜墊底
個咖哩汁：
對於我唔食得 辣嘅朋友嚟講有啲辣， 好彩有跟嘢飲 ，一邊食飯要一邊飲嘢 。但係如果你食得辣個咖哩汁好味，好香咖哩味 ，而椰香味唔算太重， 只係個汁已經夠你送飯。
到隻雞髀 ：
食得出冇落粉炸，而個皮相當脆身，睇個底略嫌炸得黑咗啲 ，總括嚟講 都可以 再嚟幫襯。
服務方面：
我都覺得可以。但就係奇怪，唔係枱枱有紙巾盒，咁啱今日食炸髀，食到成手都係油，仲要自己摷袋拎紙巾就好唔方便 。
食食下 隔離枱太太走 仲好大聲話都冇人招呼嘅？或者咁啱 佢哋嘅時候比較忙啦，我自己就覺得都可以,搵個機會下次再嚟食過！
Post
