Video
Read full review
2023-07-03
191 views
旺角瓊華中心都有好幾間火鍋放題，今次同朋友book位再嚟食「八幡屋涮涮鍋 」，皆因我哋想任飲任食打邊爐嘅同時，又可以勁食刺身放題，呢度就可以一個價錢滿足晒兩個願望。餐廳環境整潔寬敞，大部份都係獨立卡座，而且仲可以坐到六至八人，啱晒大班朋友一齊食。我哋用QR code落單，自助區款式種類多。店員效率高，refill、上菜同執枱都好快。今次我哋揀咗D4餐日本和牛生蠔盛宴，食足四個鐘，最緊要係like 社交平台專頁就可以半價食到，即係$449/1位，再加一，勁抵食！❁ 湯底入座前有九款湯底可以選擇：骨膠原豬骨湯、昆布清湯、壽喜燒、沙嗲湯、冬瓜薏米湯⋯⋯我哋就揀咗辛辣泡菜湯，有泡菜嘅辛辣香氣，但並唔算辣，好惹味開胃。► QR code落單❁ 刺身一坐低率先點轉刺身先，有成十四款刺身選擇，三文魚、赤蝦、劍魚腩、吞拿魚、赤貝⋯⋯樣樣鮮甜，尤其甜蝦同帶子，叫咗幾轉。最正係可以任食生蠔，啱晒我呢個生蠔怪，係日本蠔，size都唔細，鮮甜飽滿，係無限追加，食咗勁多轉。❁ 肉類重點嚟喇！日本黑毛和牛A4都係無限追加，一碟就有兩款部位，一款油脂似雪花分佈，入口柔軟有即化嘅口感。另一款脂肪比例多，入口油脂感覺濃
餐廳環境整潔寬敞，大部份都係獨立卡座，而且仲可以坐到六至八人，啱晒大班朋友一齊食。我哋用QR code落單，自助區款式種類多。店員效率高，refill、上菜同執枱都好快。
今次我哋揀咗D4餐日本和牛生蠔盛宴，食足四個鐘，最緊要係like 社交平台專頁就可以半價食到，即係$449/1位，再加一，勁抵食！
❁ 湯底入座前有九款湯底可以選擇：骨膠原豬骨湯、昆布清湯、壽喜燒、沙嗲湯、冬瓜薏米湯⋯⋯我哋就揀咗辛辣泡菜湯，有泡菜嘅辛辣香氣，但並唔算辣，好惹味開胃。
刺身
1 views
0 likes
0 comments
► QR code落單
❁ 刺身
一坐低率先點轉刺身先，有成十四款刺身選擇，三文魚、赤蝦、劍魚腩、吞拿魚、赤貝⋯⋯樣樣鮮甜，尤其甜蝦同帶子，叫咗幾轉。
生蠔
5 views
0 likes
0 comments
最正係可以任食生蠔，啱晒我呢個生蠔怪，係日本蠔，size都唔細，鮮甜飽滿，係無限追加，食咗勁多轉。
日本黑毛和牛A4
4 views
0 likes
0 comments
❁ 肉類
重點嚟喇！日本黑毛和牛A4都係無限追加，一碟就有兩款部位，一款油脂似雪花分佈，入口柔軟有即化嘅口感。另一款脂肪比例多，入口油脂感覺濃厚，肉質有彈性，牛味濃。食和牛shabu shabu真係涮一涮就夠，唔好淥咁耐，其實唔使點樣蘸醬汁，蘸生蛋食就最正。
澳洲M5和牛，口感較結實，肉味更濃。仲有美國牛肉、豚腩片、黑豚肉、牛肩胛。基本上我係食和牛食到飽。
海鮮
3 views
0 likes
0 comments
❁ 海鮮鮑魚新鮮彈牙、海蝦、帆立貝、廣島蠔、蜆、蟶子、黃金螺、日本魷魚、墨魚滑，全部任食。
❁ 揚物、燒物
多款天婦羅、炸物同燒物：鹽燒虎蝦、蒜香雞中翼、多春魚⋯⋯個人喜歡主攻生蠔、刺身同和牛，所以熟食都係輕輕淺嚐。
► 自助區
❁ 火鍋配料
擺放得乾淨企理，各款丸類、蔬菜、麵、炸魚皮、響鈴⋯⋯
❁ 熟食
有咖喱魚蛋、青口⋯⋯仲有燒三文魚頭，係成個攞返去。
❁ 壽司
三文魚、八爪魚、蟹棒、蝦⋯⋯食放題最緊要舊飯係細細舊。
❁ 冷盤
麻辣青瓜、辣味螺肉、中華沙律。
❁ 醬料
有多種醬料選擇，客人可以隨心混醬。
❁ 飲品大雪櫃放滿汽水同茶類，有啲較少見過可以一試：椰子奶茶，cherry coke⋯⋯
❁ 甜品
好鍾意D4餐Häagen-Dazs雪糕係任食，仲有多款韓國雪條、雪糕、牛奶奶凍、泡芙、芒果布甸、雜果啫喱⋯⋯無限供應。
#八幡屋涮涮鍋地址：旺角彌敦道628號瓊華中心12樓
Post
