Video
Read full review
2021-02-06
215 views
最近見到openrice訂座有半價優惠，好似幾抵咁，趁閒日放假就book左黎食燒肉。餐廳環境都唔錯，坐得幾舒服。中午有兩款menu，可以揀set或者放題任食，不過黎之前我其實已經打定主意揀任食，任食有5款價錢可以揀，由一百幾至六百幾都有，除左最平嗰款得豬同雞之外，其他都係牛肉。上網search過見依度最出名係日山和牛，所以一場黎到都諗住試下。價錢係$488，除左肉可以任食之外仲有其他小食都可以添，不過就唔包飲品，如果要任飲嘅話要另外加錢。一開始黎嘅時候先黎左兩碟日山和牛同埋一碟雞肉+豬肉，另外仲有海鮮拼盤(蝦、扇貝、魚)。雞肉ok正正常常，不過豬肉其實係豬腩片，比較肥，我食左一兩塊就無再食。至於主打嘅日山和牛望落多雪花紋路，賣相唔錯，啲和牛切得好薄，基本上燒好快就食得。食落肉質淋而且多油脂，係幾好食嘅。不過我覺得啲肉始終薄得滯，比較難食得出牛肉嘅鮮味。另外都試左平一級嘅話澳洲M5和牛，雖然明顯感覺到睇落嘅紋路係無日山和牛咁靚，不過食落味道依然好，肉質同樣係好淋，但同日山相比佢會有返少少厚度，所以食落會覺得相對較有口感。兩隻比嘅話我反而中意食澳洲依款多啲。除左肉之外其實都有好多蔬菜/小食
另外都試左平一級嘅話澳洲M5和牛，雖然明顯感覺到睇落嘅紋路係無日山和牛咁靚，不過食落味道依然好，肉質同樣係好淋，但同日山相比佢會有返少少厚度，所以食落會覺得相對較有口感。兩隻比嘅話我反而中意食澳洲依款多啲。
除左肉之外其實都有好多蔬菜/小食可以無限添，個人幾中意食和牛迷你漢堡同埋和牛春卷，和牛漢堡啲肉好juicy，而且細細舊食完都唔驚會太飽，春卷亦都係炸得好脆不過如果裡面啲和牛餡料多返少少就好。最後個餐仲有附埋甜品，今次甜品係奶茶雪糕配蕨餅。雪糕奶茶味好濃郁，勁好食，可惜依個就無得encore，不過依個甜品亦都為依餐畫上完滿句號。
放題食90分鐘，臨半個鐘之前就會last order，不過坦白講90分鐘係有少少rush，加上中途加點肉嘅時候都等左一段時間又問左幾次先送到。但總括而言半價優惠係抵食嘅，埋單唔洗$300就食到，係滿足嘅一餐。
Post
