Video
Read full review
2023-05-19
88 views
近排俾我發現旺角朗豪坊嘅The Sky Bar推出日日有優惠，每日都有唔同嘅驚喜，而我今次揀咗星期日去享用半價生蠔拼盤。生蠔拼盤拼盤由六款時令生蠔組成，分別有American Pearl、Speciale Geay、Scottish Rock、Magnifica、Ancelin同Gillardeau，店員教路要順時針開始食，由淡味食到濃味，生蠔新鮮，入口富海水味，濃味嘅生蠔食落會更鮮甜。海鮮三重奏分別有烤大蝦、鱈魚同帶子，大蝦烤得好香口，已開邊方便食用，鱈魚煎得外脆內軟，入口嫩滑，油脂感滿滿，帶子煎至兩面金黃色，入口軟嫩，仲有一串串燒雜菜，有蕃茄、南瓜、茄子同翠肉瓜，可以平衡下油膩感。海陸拼盤拼盤有大西洋龍蝦、牛柳同帶子，本身係配法式鴨肝，但因為無貨就轉咗帶子，龍蝦夠新鮮，入口爽口彈牙，牛柳五成熟，肉質鮮嫩多汁，帶子放咗係蘋果醬上面，有粒粒蘋果肉，入口酸酸甜甜富口感，用黎解膩一流。Daily dessert無花果芝士蛋糕配紅菜頭大菜糕慕絲入口幼滑，芝士味唔會太濃，唔會搶曬無花果嘅清甜味，配紅菜頭大菜糕甜甜地，幾特別。係時候講下仲有咩優惠 ，除左每日歡樂時光所有飲品都有優惠外，仲有 :逢
生蠔拼盤
拼盤由六款時令生蠔組成，分別有American Pearl、Speciale Geay、Scottish Rock、Magnifica、Ancelin同Gillardeau，店員教路要順時針開始食，由淡味食到濃味，生蠔新鮮，入口富海水味，濃味嘅生蠔食落會更鮮甜。
海鮮三重奏
分別有烤大蝦、鱈魚同帶子，大蝦烤得好香口，已開邊方便食用，鱈魚煎得外脆內軟，入口嫩滑，油脂感滿滿，帶子煎至兩面金黃色，入口軟嫩，仲有一串串燒雜菜，有蕃茄、南瓜、茄子同翠肉瓜，可以平衡下油膩感。
海陸拼盤
拼盤有大西洋龍蝦、牛柳同帶子，本身係配法式鴨肝，但因為無貨就轉咗帶子，龍蝦夠新鮮，入口爽口彈牙，牛柳五成熟，肉質鮮嫩多汁，帶子放咗係蘋果醬上面，有粒粒蘋果肉，入口酸酸甜甜富口感，用黎解膩一流。
Daily dessert
無花果芝士蛋糕配紅菜頭大菜糕
慕絲入口幼滑，芝士味唔會太濃，唔會搶曬無花果嘅清甜味，配紅菜頭大菜糕甜甜地，幾特別。
係時候講下仲有咩優惠 ，除左每日歡樂時光所有飲品都有優惠外，仲有 :
逢星期日，半價生蠔拼盤
逢星期一，1蚊換購美國牛扒
逢星期二，免費招待女士，自選指定飲品一杯了
逢星期三，＄228自選指定餐牌，任食任飲小食兩小時
Post
