Video
Read full review
2021-04-14
355 views
復活節放假去咗食雞煲，咁先至有時間慢慢嘆😌，唔使趕住返屋企嘛。我哋上網見到「阿來客棧」銅鑼灣店新開張，有唔少優惠，於是就訂定枱嚟幫襯。我哋六點左右去到已經有人食緊，店員有我哋訂枱資料，好快就安排入座👍。餐廳面積唔大，不過餐枱大小適中，夠位放食物，而且枱同枱之間仲可以用掛簾分隔開，好睇又衛生。阿來開業優惠三重奏🎊，雞湯底有半價優惠，超級抵。同時，仲有部份配料可以以優惠價加配。另一邊廂，餐廳亦提供特式炸物同一般嘅火鍋配料。重慶辣雞煲($74/半隻)，兩個人食半隻雞🐔就啱啱好，而且餐廳比足份量你，食雞噒骨都噒到攰😂。雞件一直熱住肉質都能保持嫩滑，抵讚。雞煲有得揀辣度，大中小以至唔辣都有，我哋要咗小辣🌶，合乎預期嘅味道。微微嘅辣度易接受之餘，亦令菜式更惹味，如果多點「麻」味更佳。紅燒鮑魚($68/2隻)，追加項目原來係一早放落雞煲一齊煮😳，所以一上枱就已經可以食咁濟！鮑魚好大隻，肉質一啲都唔韌，兼且仲好索味添。牛氣沖天($58/份)，🐮包括牛腩、牛筋、牛舌同牛柏葉，呢份配料同樣會預先放入雞煲度。估唔到個辣汁配牛肉都幾夾，係另一番滋味。我哋食嘅時候數住每款料大概有三件，份量都唔算少。接住落嚟就係
復活節放假去咗食雞煲，咁先至有時間慢慢嘆😌，唔使趕住返屋企嘛。我哋上網見到「阿來客棧」銅鑼灣店新開張，有唔少優惠，於是就訂定枱嚟幫襯。
我哋六點左右去到已經有人食緊，店員有我哋訂枱資料，好快就安排入座👍。餐廳面積唔大，不過餐枱大小適中，夠位放食物，而且枱同枱之間仲可以用掛簾分隔開，好睇又衛生。
阿來開業優惠三重奏🎊，雞湯底有半價優惠，超級抵。同時，仲有部份配料可以以優惠價加配。另一邊廂，餐廳亦提供特式炸物同一般嘅火鍋配料。
重慶辣雞煲
$74
5 views
0 likes
0 comments
紅燒鮑魚
$68
1 views
0 likes
0 comments
牛氣沖天
$58
4 views
0 likes
0 comments
接住落嚟就係火鍋嘅部份🍲，食到咁上下叫店員加湯就OK。
特級手切肥牛($198/小)，打邊爐點少得肥牛呢🥩？肥牛定價比較貴，可能係睇準我哋呢種牛魔王嘅心態吧🙈。牛肉油脂分佈均勻，肉味正常。
鮮墨魚滑($38/半份)，🦑墨魚滑幾的骰，半份約分為四粒，勝在用料新鮮，面頭附有蟹籽，入面就食到出墨魚粒，口感彈力。
萵筍($16/半份)，萵筍係我至愛鍋料💚。
薯粉($16/半份)，薯粉嘅作用就係用嚟食盡湯底嘅精華🤤，但切忌煮得太耐，否則會太淋。
打完邊爐後，每人獲贈一碗宮廷滋潤糖水，是日款式係養顏嘅木瓜雪耳🤗。
餐廳賣嘅飲品主要係啤酒同汽水，並無自家製涼茶。不過呢度亦有提供熱茶🍵，所以唔嗌嘢飲都得。另外，每人會收取$10醬油費。
總括嚟講，阿來雞煲係出色嘅🐓，必食推介，火鍋就反而度度都有得食。我有個瘋狂想法就係可以考慮食多個鍋底，反正各款雞湯底都係呢度嘅招牌菜，而且個爐好夠熱，一定唔會食到忟呢！
Post
