八月花 (Moved) New Location

還是在疫情嚴峻期間, 在九龍塘閒逛時無意中發現八月居做"半價", 整個餐牌都可以是半價。於是乎叫多咗少少。 菜式如下:連骨豬腓- 素材上係相當高質, 所以無論任何醬汁都會有唔錯嘅效果。 擺碟上係一個西菜嘅表演手法。魚肉粒粒爆多放滿在蟹殼內, 當然同炒的料頭內必定有蟹肉。 充滿海鮮味的一道菜。蠔油煮雜箘: 其中一種似鉛筆尖嘅菇箘, 特別的口感同味道。後來在街市發現這種菇。60蚊一斤, 基本上四两都足夠做一個餸。 無須太多技巧已經可以好好效果。另一個類似煲仔菜用上大量嘅蝦乾。哪有不好吃的道理?炸魚塊, 這個炸魚嘅外層有些許咸蛋黃的成分吃起來帶點咸香。不過沾醬嘅粟米湯做出來嘅醬則有點"缺乏創意"!服務如常舒適。當晚走嘅時候留意到佢地將會搬去樓下。下次來佢應該都搬咗落下面了。