XOCO Mexican Cantina & Bar

Open Now

Now Closed

一直都好鐘意去食墨西哥菜既我，今日就講返呢間細細間位於半山區既墨西哥風情吧餐廳「XOCO」啦~位於摩羅廟街既佢，係香港站沿住扶手電梯上就可以輕鬆到達～雖然大家應該唔會咁早去呢到食野，但記得扶手電梯係大概朝早10點先會轉向上去呀！10點前係落架🤞🏻🤞🏻去既時候仲可以經過大館影相添!餐廳大概可以容納15至20人到，而出面就有1至2張兩人台可以望街景，唔算太大間。由於摩羅廟街有好多外國人酒吧，所以坐係出面既位子望住D人流都有去咗外國啲橫街細巷Feel呀今次我就叫咗個「墨西哥湯」&「墨西哥style粟米片」黎食！「墨西哥湯」清清地配上長條型既Nachos幾特別～跟佢個cream cheese沾黎食真係好夾！！想清清地浸湯食又得，再唔係想好似薯條🍟點茄汁🥫食又得。 然後重頭戲「墨西哥Style Nachos」亦無得輸！配上焗芝士、牛油果醬、茄汁、cream cheese 混埋一齊焗，真係塊塊都係味覺享受💙好好食好正！唔想咁寡既話，仲可以加錢要雞肉丶牛肉丶豬肉等各方便肉類做配料呀。總結:被西餐包圍住既呢一間半山墨西哥菜小店雖然細細間但好食又大碟！去開半山區又想試D唔同丶特別D既菜式不妨去呢到試下！