胡爐 (Closed)

尋晚放咗學同阿媽去到尖沙咀行街，順便搵好嘢食～見到厚福街H8呢幢大廈有好多餐廳，見到好耐冇打邊爐🍲就揀咗呢間火鍋店試吓～餐廳而家做緊晚市半放題，一個人只需要$298就有新鮮海鮮，手打丸同埋唔同種類嘅肉類，仲可以任點其他配菜，幾正～佛跳牆依家每位都會送一碗佛跳牆，有鮑魚，生菜等等🥬幾鍾意佢個鮑魚，食落幾爽口！胡爐醉鴨煲好耐冇食鴨，見到呢個鴨肉鍋幾吸引～佢預先炒熱左鴨肉，再擺入鍋度，鴨肉食落好香好濃味，肉質幾嫩滑，食落啖啖肉～時令海鮮拼盤五款有新鮮嘅海蝦🦞元貝，蜆，鮑魚等等～海蝦大大隻，食落覺得幾爽口～元貝都好大嚿，幾鮮甜～蜆肉幾滑，仲有鮑魚好大隻，幾有咬口胡爐拼盤全豬因為阿媽唔食牛，所以叫咗全豬，佢係黑毛豬豚肉，半肥瘦嘅豚肉，幾新鮮～淥完食落好爽滑～配埋醬料幾香手工丸餃拼盤佢係自家製嘅手打丸，有芝心丸，黑松露丸，蟹籽丸～全部都整得好精緻，食落好彈牙好爽口～黑松露丸嘅黑松露味好濃郁，蟹籽丸全部都係蟹籽響鈴大大嚿響鈴，食落有少少脆卜卜嘅感覺，唔錯蔬菜叫咗白菜🥬生菜同金菇，新鮮嘅蔬菜，配埋火鍋🍲食落覺得幾健康～