凱旋餐室

Open Now

Now Closed

難得平日晏晝放半日，最岩搵個港式下午茶食下，話晒平啲又多選擇。要搵下午茶，灣仔呢邊大量茶記，其中呢間都幾大間。睇睇下午茶餐牌，無論輕食定主食都有茶餐價，唔會揀唔落手。豬扒包拼薯條 $42豬扒包用左脆包，中間蕃茄生菜加醬汁，咬落去好有滿足感。粗薯條熱辣辣，加埋杯紅豆冰，海量紅豆更滿足。乾炒雞絲河 $50下午茶價嘆午餐，雞絲炒河份量夠多，亦有獲氣，配鹹檸七解膩。芝士焗吞拿魚多士 $38 多士夠厚，芝士焗吞拿魚香噴噴，味道突出。